തിരുവനന്തപുരം : നടനും ബിജെപി നേതാവുമായ സുരേഷ് ഗോപിയുടെ വീട്ടിലെത്തി ഗവർണർ ആരിഫ് മുഹമ്മദ് ഖാൻ . വിവാഹിതരായ സുരേഷ് ഗോപിയുടെ മകൾ ഭാഗ്യയ്ക്കും ഭർത്താവ് ശ്രേയസിനും ആശംസകൾ അറിയിക്കാനാണ് ഗവർണർ കുടുംബസമേതം എത്തിയത് . സോഷ്യൽ മീഡിയയിലൂടെ സുരേഷ് ഗോപി തന്നെയാണ് ആരിഫ് മുഹമ്മദ് ഖാൻ വീട് സന്ദർശിച്ച വിവരം പങ്കുവച്ചത് .
![](https://malayalammedia.live/wp-content/uploads/2024/01/2-1024x682.jpg)
‘ബഹുമാനപ്പെട്ട കേരള ഗവർണർ ആരിഫ് മുഹമ്മദ് ഖാൻ നവദമ്പതികളെ അനുഗ്രഹിക്കാനായി ‘ലക്ഷ്മി’ സന്ദർശിച്ചപ്പോൾ. ഉച്ചഭക്ഷണത്തിന് ഞങ്ങളോടൊപ്പം ചേർന്നു.”-സുരേഷ് ഗോപി കുറിച്ചു. വിഭവ സമൃദ്ധമായ നാടൻ കേരള സദ്യയാണ് സുരേഷ് ഗോപിയും രാധികയും ഗവർണർക്കായി ഒരുക്കിയത്. ആരിഫ് മുഹമ്മദ് ഖാന് സദ്യവിളമ്പുന്ന ചിത്രങ്ങളടക്കം അടങ്ങുന്നതായിരുന്നു സുരേഷ് ഗോപി പങ്കുവെച്ച ചിത്രങ്ങൾ.
![](https://malayalammedia.live/wp-content/uploads/2024/01/3-989x1024.jpg)
കുടുംബാംഗങ്ങൾക്കൊപ്പം ഏറെ നേരം ചെലവഴിച്ച ഗവർണർ നവദമ്പതികളെ അനുഗ്രഹിച്ചു. ഗവർണറുടെ സന്ദർശനത്തിൻറെ ചിത്രങ്ങളും സുരേഷ് ഗോപി സമൂഹ മാധ്യമങ്ങളിൽ പങ്കുവച്ചു. ഗോകുൽ സുരേഷ്, മാധവ് സുരേഷ് എന്നിവരോടും തന്റെ സ്നേഹാന്വേഷണം ഗവർഗണർ നേർന്നു.
![](https://malayalammedia.live/wp-content/uploads/2024/01/1-1-1024x682.jpg)