ലോസ്എയ്ഞ്ചൽസ് : മുകേഷ് അംബാനിയുടെ മകൾ ഇഷ അംബാനിയുടെ ലോസ്എയ്ഞ്ചൽസിലെ ആഡംബര ഭവനം പ്രമുഖ ഹോളിവുഡ് താരജോഡികളായ ബെൻ അഫ്‌ലെക്കിനും ജെനിഫർ ലോപ്പസിനും വിറ്റെന്ന് സൂചന. 494 കോടിക്കാണ് ഭവനം വിറ്റതെന്നാണ് റിപ്പോർട്ട്.
2022ൽ തന്റെ ഗർഭകാലം ഇഷ ചിലവഴിച്ചത് ഈ കൊട്ടാരത്തിലാണ്. ഇഷയുടെ അമ്മയായ നിത അംബാനിയും ഇഷയ്‌ക്കൊപ്പം ഈ കാലയളവിൽ ഇവിടെ ചിലവഴിച്ചിരുന്നു.
അഞ്ച് വർഷമായി ഈ ആഡംബര ഭവനം വിൽപ്പനയ്ക്കായി പൊതുവിപണിയിൽ ഉണ്ടായിരുന്നു. 12 കിടപ്പ് മുറികളും 24 ബാത്ത്‌റൂമുകളുമുള്ള ഈ മാളികയിൽ 155 അടി ഇൻഫിനിറ്റി പൂൾ, സലൂൺ, ജിം, സ്പാകൾ എന്നിങ്ങനെ ഒട്ടനവധി സൗകര്യങ്ങൾ ഉണ്ട്. ബെവർലി ഹിൽസ് ഏരിയയിൽ 5.2 ഏക്കറിൽ പരന്നുകിടക്കുന്ന ഈ കൊട്ടാരം ഇനി ബെൻ അഫ്‌ലെക്കിനും ജെനിഫർ ലോപ്പസിനും സ്വന്തമാണ്.
