സംസ്ഥാനത്തെ സ്വർണ വില വീണ്ടും കൂടി. സ്വർണം ഗ്രാമിന് 70 രൂപയും പവന് 560 രൂപയുമാണ് വർദ്ധിച്ചത്. ഇന്ന് 64,080 രൂപയാണ് ഒരു പവൻ സ്വർണത്തിന്റെ വില. ഒരു ഗ്രാം സ്വർണത്തിന്റെ വില 8010 രൂപയാണ്.
മാർച്ച് മാസത്തിന്റെ ആദ്യ മൂന്ന് ദിനങ്ങളിൽ സ്വർണവില കൂടിയിരുന്നില്ല. ഇന്നത്തെ വർദ്ധനവോടെ ഈ മാസത്തെ ഏറ്റവും ഉയർന്ന നിരക്കിലാണ് സ്വർണ വിപണി.
അതേസമയം വെള്ളിവില കുറഞ്ഞിട്ടുണ്ട്. 104.90 രൂപയാണ് ഒരു ഗ്രാം വെള്ളിക്ക് നൽകേണ്ടത്. 1,04,900 രൂപയാണ് ഒരു കിലോ വെള്ളിയുടെ വില. രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്. ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വർണവിലയെ സ്വാധീനിക്കുന്ന ഘടകങ്ങളാണ്.
