ശ്രീറാം വെങ്കിട്ടരാമൻ ഐഎഎസിനെ കൃഷി വകുപ്പ് സെക്രട്ടറിയാക്കി; പിബി നൂഹ് ഗതാഗത വകുപ്പ് സ്പെഷ്യല്‍ സെക്രട്ടറി
സംസ്ഥാനത്ത് ഐഎഎസ് ഉദ്യോഗസ്ഥർക്ക് സ്ഥാനക്കയറ്റവും സ്ഥലംമാറ്റവും. സീനിയർ ഐഎഎസ് ഉദ്യോഗസ്ഥർക്കുണ്ടായിരുന്ന അധിക ചുമതലകള്‍ ഒഴിവാക്കി.
- ശ്രീറാം വെങ്കിട്ടരാമൻ: കൃഷി വകുപ്പ് സെക്രട്ടറിയായി നിയമിക്കപ്പെട്ടു. ഒരു വർഷത്തേക്ക് ഈ പദവി പ്രത്യേകം ഉയർത്തിയാണ് നിയമനം. കൂടാതെ, ഈ സാമ്പത്തിക വർഷാവസാനം വരെ കേരള ഫിനാൻഷ്യൽ കോർപ്പറേഷന്റെ മാനേജിംഗ് ഡയറക്ടറുടെ അധിക ചുമതലയും ഇദ്ദേഹത്തിന് നൽകിയിട്ടുണ്ട്.
- പി.ബി. നൂഹ്: സിവിൽ സപ്ലൈസ് ചെയർമാനിൽ നിന്ന് ഗതാഗത വകുപ്പ് സ്പെഷ്യൽ സെക്രട്ടറിയായി മാറി. ട്രാൻസ്‌പോർട്ട് ഡെവലപ്‌മെന്റ് ഫിനാൻസ് കോർപ്പറേഷന്റെ ചെയർമാന്റെ അധിക ചുമതലയും ഇദ്ദേഹത്തിനാണ്.
- അദീല അബ്ദുള്ള: സാമൂഹിക നീതി വകുപ്പിന്റെ സ്പെഷ്യൽ സെക്രട്ടറിയായി നിയമിക്കപ്പെട്ടു. വനിതാ ശിശു വികസന വകുപ്പിന്റെ മുഴുവൻ അധിക ചുമതലയും ഇവർക്കായിരിക്കും.
- അബ്ദുൾ നാസർ ബി: ഫിഷറീസ് ഡയറക്ടറിൽ നിന്ന് സ്‌പോർട്സ് & യൂത്ത് അഫയേഴ്സ് ഡിപ്പാർട്ട്മെന്റ് സ്പെഷ്യൽ സെക്രട്ടറിയായി മാറി. ന്യൂനപക്ഷ ക്ഷേമ വകുപ്പ് സ്പെഷ്യൽ സെക്രട്ടറി, ഫിഷറീസ് ഡയറക്ടർ എന്നീ തസ്തികകളുടെ മുഴുവൻ അധിക ചുമതലയും ഉദ്യോഗസ്ഥനായിരിക്കും.
- ഡോ. അശ്വതി ശ്രീനിവാസ് സിവിൽ സപ്ലൈസ് കോർപ്പറേഷന്റെ ചെയർമാനും മാനേജിംഗ് ഡയറക്ടറുമായി നിയമിക്കപ്പെടും.
സിവിൽ സപ്ലൈസ് കമ്മീഷണർ ചുമതലയിൽ നിന്ന് മുകുന്ദ് തകൂർ ഐഎഎസിനെ മാറ്റി പകരം മുഹമ്മദ് ഷഫീഖ് ഐഎഎസിന് അധിക ചുമതല നൽകി. സാമൂഹിക നീതി വകുപ്പിന്റെ അധിക ചുമതല വഹിക്കുന്ന അഡീഷണൽ ചീഫ് സെക്രട്ടറി പുനീത് കുമാർ ഐ.എ.എസ്, സ്ത്രീ ശിശു വികസന വകുപ്പിന്റെ അധിക ചുമതല വഹിക്കുന്ന പ്രിൻസിപ്പൽ സെക്രട്ടറി ഡോ. ഷർമില മേരി ജോസഫ് ഐ.എ.എസ്, കായികം, യുവജനകാര്യം, ന്യൂനപക്ഷ ക്ഷേമ വകുപ്പുകളുടെ അധിക ചുമതല വഹിക്കുന്ന പ്രിൻസിപ്പൽ സെക്രട്ടറി മുഹമ്മദ് ഹനീഷ് എപിഎം ഐ.എ.എസ്, ഗതാഗത വകുപ്പിന്റെ അധിക ചുമതല വഹിക്കുന്ന സെക്രട്ടറി ഡോ. കെ വാസുകി ഐ.എ.എസ് എന്നിവർ പ്രസ്തുത അധിക ചുമതലകളിൽ നിന്ന് ഒഴിവാക്കപ്പെട്ടു. മുകളിൽ പോസ്റ്റുചെയ്ത എല്ലാ സ്പെഷ്യൽ സെക്രട്ടറിമാർക്കും അതത് വകുപ്പുകളുടെ സ്വതന്ത്ര ചുമതല ഉണ്ടായിരിക്കും.
