ടെഹ്‌റാന്‍; ഇറാനെതിരെയുള്ള പോരാട്ടം ശക്തമാക്കി ഇസ്രായേല്‍. ഇറാന്റെ സൈനിക സമുച്ചയത്തിന് നെരെയാണ് ഇത്തവണ ഇസ്രായേല്‍ ആക്രമണം നടത്തിയത്. ഇറാന്റെ ആണവായുധ ലാബ് ഈ ആക്രമണത്തില്‍ തകര്‍ന്നു. കഴിഞ്ഞ വര്‍ഷം മുതല്‍ രഹസ്യമായി നടന്നുകൊണ്ടിരിക്കുന്ന ആണവായുധ ഗവേഷണം പുനരുജ്ജീവിപ്പിക്കാനുള്ള ഇറാന്റെ ശ്രമങ്ങളെ ഇതോടെ തച്ചുടച്ചിരിക്കുകയാണ് ഇസ്രായേല്‍.
ആണവ ഉപകരണത്തില്‍ യുറേനിയത്തെ ചുറ്റിപ്പറ്റിയുള്ള പ്ലാസ്റ്റിക് സ്‌ഫോടകവസ്തുക്കള്‍ രൂപകല്‍പ്പന ചെയ്യാന്‍ ഉപയോഗിച്ചിരുന്ന അത്യാധുനിക ഉപകരണങ്ങളും ഈ ആക്രമണത്തില്‍ നശിച്ചിട്ടുണ്ട്.
ഇസ്രായേല്‍, യുഎസ് രഹസ്യാന്വേഷണ വിഭാഗങ്ങള്‍ കണ്ടെത്തിയ സംശയാസ്പദമായ ഗവേഷണ പ്രവര്‍ത്തനങ്ങളെക്കുറിച്ച് വൈറ്റ് ഹൗസ് ഇറാന് മുന്നറിയിപ്പ് നല്‍കിയിരുന്നു. എന്നാല്‍ ഇതിന് മുന്‍പേ തന്നെ ആക്രമണം നടന്നു. ഇറാനെ സംബന്ധിച്ച് ഇത് കനത്ത അടി തന്നെയാണ്.
