ലോക പ്രശസ്തമായ ഹോളിവുഡ് മ്യൂസിക് ഇൻ മീഡിയ പുരസ്കാരങ്ങൾക്കായുള്ള (HMMA) നാമനിർദേശ പട്ടികയിൽ പെരിയോനേയും ഇടംപിടിച്ചു. (HMMA) നാമനിർദേശ പട്ടിക ബുധനാഴ്ചയാണ് അധികൃതർ പട്ടിക പുറത്തുവിട്ടത്.
ഫീച്ചർ ഫിലിം വിഭാഗത്തിലാണ് ‘പെരിയോനേ’യും മത്സരിക്കുന്നത്. എ.ആർ.റഹ്മാനും റഫീഖ് അഹമ്മദും ചേർന്നാണ് ഗാനം രചിച്ചിരിക്കുന്നത്. ചാലഞ്ചേഴ്സ്, എമിലിയ പേരെസ്, ബെറ്റർമാൻ, ട്വിസ്റ്റേഴ്സ്, ദ ഐഡിയ ഓഫ് യു, ദ സിക്സ് ട്രിപ്പിൾ എയ്റ്റ്, ബ്ലിറ്റ്സ് എന്നിവയാണ് ആടുജീവിതത്തിനുപുറമേ ഫീച്ചർ ഫിലിം ഗാന വിഭാഗത്തിലെ മറ്റുചിത്രങ്ങൾ.
ഈ മാസം 20-ന് ഹോളിവുഡിലെ അവലോണിലാണ് പുരസ്കാര വിതരണ ചടങ്ങ് നടക്കുക. സെലീന ഗോമസ്, ഡ്വൈയ്ൻ ജോൺസൺ തുടങ്ങിയവർ ചടങ്ങിനെത്തും.
മലയാളത്തിലെ ഒരുഗാനത്തിനും എത്താൻ കഴിയാതിരുന്ന ഒരു നേട്ടത്തിനരികെയാണ് ആടുജീവിതം എന്ന സിനിമയിലെ പെരിയോനെ എന്ന ഗാനം എത്തിനിൽക്കുന്നത്. നിലവിൽ ആടുജീവിതം ഓസ്കറിൽ മത്സരിപ്പിക്കുന്നതുമായി ബന്ധപ്പെട്ട് വിദേശത്താണ് സംവിധായകൻ ബ്ലെസി.
എ.ആർ.റഹ്മാന്റെ മലയാളത്തിലേക്കുള്ള മടങ്ങിവരവ് ആഘോഷമാക്കിയ ചിത്രമായിരുന്നു പൃഥ്വിരാജിനെ നായകനാക്കി ബ്ലെസി സംവിധാനംചെയ്ത സിനിമയാണ് ആടുജീവിതം. മലയാളത്തിലെ ഒരുഗാനത്തിനും എത്താൻ കഴിയാതിരുന്ന ഒരു നേട്ടത്തിനരികെ എത്തിയിരിക്കുകയാണ് ഇപ്പോൾ ഈ ഗാനം.
