കോണ്‍ഗ്രസ് നേതാക്കള്‍ താമസിച്ച ഹോട്ടലിലെ ദൃശ്യങ്ങള്‍ പുറത്ത്
പാലക്കാട്; പാതിരാ റെയ്ഡ് വിവാദത്തിനിടെ കോണ്‍ഗ്രസ് നേതാക്കള്‍ താമസിച്ച ഹോട്ടലിലെ ദൃശ്യങ്ങള്‍ പുറത്ത്. നീല ട്രോളി ബാഗുമായി കെഎസ്‌യു പ്രവര്‍ത്തകന്‍ ഫെനി നൈനാന്‍ ഹോട്ടലിലേക്കു വരുന്നതും മുറിയിലേക്ക് കയറുന്നതുമായിട്ടുള്ള ദൃശ്യങ്ങളാണ് ഉള്ളത്. എന്നാല്‍ ബാഗില്‍ പണം ആയിരുന്നോ എന്ന കാര്യത്തില്‍ വ്യക്തതയില്ല, രാത്രി 10.11നാണ് ഷാഫി പറമ്പിലും വി കെ ശ്രീകണ്ഠനും ജ്യോതികുമാര്‍ ചാമക്കാലയും കെപിഎം ഹോട്ടലിലേക്ക് വരുന്നതെല്ലാം ദൃശ്യങ്ങളിലുണ്ട്. 11.30 വരെയുള്ള ദൃശ്യങ്ങള്‍ പുറത്ത് വന്നിട്ടുണ്ട്.
അതില്‍ ഇവര്‍ ഹോട്ടലിലേയ്ക്ക് കയറുന്നതും വാരന്തയില്‍ സംസാരിക്കുന്നതുമെല്ലാം കാണാം. 10.59ന് രാഹുല്‍ പുറത്തേക്ക് പോകുന്നതെന്ന് ദൃശ്യങ്ങളില്‍ നിന്ന് വ്യക്തമാണ്. ഇതെല്ലാം കഴിഞ്ഞ് മണിക്കൂറുകള്‍ക്കകമാണ് റെയ്ഡ് വരുന്നത്. ട്രോളി ബാഗില്‍ തന്റെ വസ്ത്രങ്ങള്‍ തന്നെയാണെന്നാണ് രാഹുല്‍ വീണ്ടും വ്യക്തമാക്കിയിരിക്കുന്നത്. എന്നാല്‍ സിപിഎം കള്ളപ്പണം തന്നെയാണെന്ന് ആവര്‍ത്തിച്ച് പറയുന്നുണ്ട്.
