സൂപ്പർ ഹിറ്റ് കോംബോ ഗിരീഷ് എ ഡി- നസ്‌ലെൻ ടീം ഒന്നിക്കുന്ന ‘ഐ ആം കാതലന്റെ’ ബുക്കിംഗ് ആരംഭിച്ചു. നാളെയാണ് ചിത്രം തിയറ്ററുകളിൽ എത്തുന്നത്. തണ്ണീർ മത്തൻ ദിനങ്ങൾ, സൂപ്പർ ശരണ്യ, പ്രേമലു എന്നിവയ്ക്ക് ശേഷം ഗിരീഷ് എ ഡി- നസ്‌ലെന്‍ ടീം വീണ്ടുമൊന്നിക്കുന്ന ചിത്രമായതിനാൽ പ്രേക്ഷകർക്ക് പ്രതീക്ഷ വാനോളമാണ്.
ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലനും പോൾസ് എന്റർടെയിന്മെന്റസിന്റെ ബാനറിൽ ഡോ. പോൾ വർഗീസ്, കൃഷ്ണമൂർത്തി എന്നിവരും ചേർന്നാണ് ചിത്രം നിർമ്മിക്കുന്നത്. ചിത്രം കേരളത്തിലെ തീയേറ്ററുകളിൽ വിതരണം ചെയ്യുന്നത് ഡ്രീം ബിഗ് ഫിലിംസ് ആണ്. പുതുമുഖ താരം അനിഷ്‌മയാണ് ചിത്രത്തിൽ നായികയായെത്തുന്നത്. ദിലീഷ് പോത്തൻ, ലിജോമോൾ, ടി ജി രവി, സജിൻ, വിനീത് വാസുദേവൻ, വിനീത് വിശ്വം, എന്നിവരാണ് മറ്റ് പ്രധാന താരങ്ങൾ. ചിത്രത്തിന്റെ ഫസ്റ്റ് ലുക്ക്, സെക്കന്റ് ലുക്ക് പോസ്റ്ററുകൾ സമൂഹ മാധ്യമങ്ങളിൽ വൈറലായിരുന്നു.
