ബെംഗളൂരു: കൊച്ചിൻ ഷിപ്പിയാർഡിൽ നിന്ന് 800 കോടിയുടെ ഓർഡർ സ്വന്തമാക്കി ഭാരത് ഇലക്ട്രോണിക്സ് ലിമിറ്റഡ്. കപ്പലുകൾക്ക് നേർക്കുള്ള ശത്രു നീക്കം തിരിച്ചറിയാൻ സഹായിക്കുന്ന റഡാർ നിർമാണത്തിലുള്ള ഓർഡറാണ് പൊതുമേഖലയിലെ പ്രമുഖ പ്രതിരോധ നിർമ്മാണ സ്ഥാപനമായ ബിഇഎൽ നേടിയത്.
പ്രതിരോധ ഗവേഷണ വികസന കേന്ദ്രമായ ഡിആർഡിഒ രൂപകൽപന ചെയ്ത എക്സ് ബാൻഡ് റഡാറാണ് ബിഇഎൽ തദ്ദേശീയമായി നിർമിക്കുന്നത്. കൊച്ചിൻ ഷിപ്പിയാർഡിൽ ഒരുക്കുന്ന കപ്പലുകളിൽ ഇനി പ്രത്യേക റഡാർ സുരക്ഷ കൂടി ലഭ്യമാകും . ബിഇഎൽ ജനറൽ മാനേജർ ടി.ഡി.നന്ദകുമാർ, കൊച്ചിൻ ഷിപ്‌യാഡ് ഓപ്പറേഷൻസ് ഡയറക്ടർ ശ്രീജിത് തുടങ്ങിയവർ ചടങ്ങിൽ പങ്കെടുത്തു.
