ജനങ്ങള്‍ക്ക് നല്‍കിവരുന്ന സര്‍ക്കാര്‍ സേവനങ്ങളുടെ ഫീസുകള്‍ക്കും ചാര്‍ജുകള്‍ക്കും ഒരാഴ്ച്ചയ്ക്കകം ഗണ്യമായ വര്‍ദ്ധനവ് വരുത്താന്‍ വകുപ്പുകള്‍ക്ക് അധികാരം നൽകി പിണറായി സര്‍ക്കാര്‍. ജൂലൈ 11ന് ചേര്‍ന്ന മന്ത്രിസഭാ യോഗ തീരുമാനപ്രകാരമാണ് ഈമാസം 17ന് ഉത്തരവിറക്കിയിരിക്കുന്നത്. കഴിഞ്ഞ ആറ് മാസമായി പരിഷ്‌കരിക്കാത്ത എല്ലാ സേവന നിരക്കുകളും ഫീസും വര്‍ദ്ധിപ്പിക്കാനാണ് സര്‍ക്കാര്‍ തീരുമാനം.
കടുത്ത സാമ്പത്തിക പ്രതിസന്ധിയില്‍പ്പെട്ടിരിക്കുന്ന പിണറായി സര്‍ക്കാരിന്റെ ധനസ്ഥിതി മെച്ചപ്പെടുത്താനാണ് ഫീസ് വര്‍ദ്ധനവ് ഏര്‍പ്പെടുത്തുന്നതെന്നാണ് ഉത്തരവില്‍ വ്യക്തമാക്കുന്നത്.
സംസ്ഥാനത്തിന്റെ നിലവിലെ അടിയന്തര സാമ്പത്തിക ആവശ്യകത പരിഗണിച്ച് ഓരോ വകുപ്പിലെയും നികുതിയേതര വരുമാനം വര്‍ദ്ധിപ്പിക്കുന്നതിനായി വിവിധ ഫീസുകള്‍ / ഫൈനുകള്‍ / സര്‍വ്വീസ് ചാര്‍ജുകള്‍ എന്നിവ കാലാനുസൃതമായി വര്‍ദ്ധനവ് വരുത്താന്‍ അതാത് വകുപ്പിനെ ചുമതലപ്പെടുത്തിക്കൊണ്ട് ഉത്തരവ് പുറപ്പെടുവിക്കുന്നു. ഇപ്രകാരം നിരക്ക് വര്‍ദ്ധനവ് വരുത്തിക്കൊണ്ടുള്ള ഉത്തരവ് 26/07/2024 ന് മുമ്പ് അതാത് വകുപ്പുകള്‍ പുറപ്പെടുവിക്കേണ്ടതാണെന്നും ധനകാര്യ പ്രിന്‍സിപ്പല്‍ സെക്രട്ടരി രബീന്ദ്ര കുമാര്‍ അഗര്‍വാള്‍ പുറപ്പെടുവിച്ച ഉത്തരവില്‍ വ്യക്തമാക്കുന്നു.
സര്‍ക്കാര്‍ ലാബുകളിലെ ഫീസ്, ലൈസന്‍സിന് അപേക്ഷിക്കുന്നതിനുള്ള ഫീസ്, ഘോഷയാത്രകള്‍ നടത്തുന്നതിന് നല്‍കുന്ന ഫീസ് തുടങ്ങി എഫ്‌ഐആറുകളുടെ പകര്‍പ്പ്, രജിസ്‌ട്രേഷന്‍ വകുപ്പില്‍ നിന്ന് സ്വത്ത് രേഖകളുടെ സാക്ഷ്യപ്പെടുത്തിയ പകര്‍പ്പുകള്‍ നേടുക, പോസ്റ്റ്മോര്‍ട്ടം റിപ്പോര്‍ട്ടുകള്‍, മൈക്ക് പെര്‍മിറ്റ് തുടങ്ങിയ രേഖകള്‍ പോലീസില്‍ നിന്ന് ലഭിക്കുന്നതിനുള്ള ചാര്‍ജുകള്‍ വരെ പുതുക്കിയ ഫീസും നിരക്കുകളും ബാധകമാകും.
അത്തരം സേവനങ്ങള്‍ പ്രയോജനപ്പെടുത്തുന്ന എല്ലാവര്‍ക്കും ഈ നീക്കം ഗണ്യമായ അധിക സാമ്പത്തിക ബാധ്യത വരുത്താന്‍ സാധ്യതയുണ്ട്. എല്ലാ വകുപ്പുകള്‍ക്കുമുള്ള നിര്‍ദേശപ്രകാരം വകുപ്പുകള്‍ ഒരാഴ്ചക്കകം വര്‍ധനവ് വരുത്തണമെന്നാണ് ഉത്തരവ്.
ജനസേവനം എന്നത് മാറ്റി ജനങ്ങളുമായുള്ള എല്ലാ ഇടപാടുകളും ഒരു കച്ചവടമായി മാറ്റുകയാണ് പിണറായി വിജയന്‍ ചെയ്യുന്നത് എന്നാണ് ഈ ഉത്തരവില്‍ നിന്ന് വ്യക്തമാകുന്നത്. വിവിധ സര്‍ക്കാര്‍ വകുപ്പുകള്‍, പൊതുമേഖലാ സ്ഥാപനങ്ങള്‍ തുടങ്ങി പൊതുജനങ്ങള്‍ക്ക് സേവനം നല്‍കിവരുന്ന എല്ലായിടങ്ങളും ഫീസ് വര്‍ദ്ധിപ്പിക്കണമെന്നാണ് പിണറായി വിജയന്റെ ഉത്തരവ്.
സര്‍ക്കാര്‍ വകുപ്പുകള്‍ക്ക് സ്വന്തം നിലയില്‍ ഫീസുകള്‍ നിശ്ചയിക്കാനും ഈടാക്കാനുമുള്ള അസാധാരണമായ അവസരമാണ് ധനവകുപ്പ് പുറത്തിറക്കിയ ഉത്തരവില്‍ വ്യക്തമാകുന്നത്. ജനസേവനത്തിന് പിണറായി വിജയനോ മന്ത്രിസഭയ്‌ക്കോ യാതൊരു ബാധ്യതയുമില്ല. എല്ലാം ജനങ്ങളില്‍ നിന്ന് കൊള്ളഫീസ് വാങ്ങി നടത്താന്‍ ഉദ്യോഗസ്ഥര്‍ക്ക് അനുവാദം കൊടുക്കുകയാണ് ധനവകുപ്പിന്റെ ഉത്തരവിലൂടെ സംഭവിക്കാന്‍ പോകുന്നത്. സര്‍ക്കാരിന്റെ ധനകാര്യ മിസ്മാനേജിന്റെ സകലഭാരവും ജനങ്ങളിലേക്ക് കെട്ടിവെയ്ച്ച്് ചൂഷണം ചെയ്യാനാണ് സര്‍ക്കാര്‍ നീക്കം.
ജനങ്ങളില്‍ നിന്ന് ഫീസുകളും നിരക്കുകളും ഈടാക്കാനുള്ള നടപടികള്‍ എടുക്കാനുള്ള അവകാശം ധനവകുപ്പിന് മാത്രമേയുള്ളൂവെന്ന റൂള്‍സ് ഓഫ് ബിസിനസ്സ് ചട്ടം 37ന്റെ ലംഘനമാണ് ധനകാര്യ പ്രിന്‍സിപ്പല്‍ സെക്രട്ടറിയുടെ ഉത്തരവ്. വരുമാന വര്‍ദ്ധനവ്, നികുതി, തീരുവ, സെസുകള്‍ അല്ലെങ്കില്‍ ഫീസ് ചുമത്തല്‍, വര്‍ദ്ധിപ്പിക്കല്‍, കുറയ്ക്കല്‍ അല്ലെങ്കില്‍ നിര്‍ത്തലാക്കല്‍ എന്നിവയ്ക്കുള്ള എല്ലാ നിര്‍ദ്ദേശങ്ങളും ധനകാര്യ വകുപ്പ് പരിശോധിച്ച് റിപ്പോര്‍ട്ട് ചെയ്യണമെന്നാണ് ചട്ടം വ്യക്തമാക്കുന്നത്. ഇതിനെ മറികടന്നാണ് ഫീസ് വര്‍ദ്ധിപ്പിക്കുന്നതിനുള്ള സാധ്യതയുള്ള സേവനങ്ങള്‍ കണ്ടെത്താനും ഉചിതമായ ഉത്തരവുകള്‍ പുറപ്പെടുവിക്കാനും ധനവകുപ്പ് വകുപ്പുകളോട് ആവശ്യപ്പെട്ടിട്ടുണ്ട്.
പുതുക്കിയ സര്‍വീസ് ചാര്‍ജുകളിലോ ഫീസിലോ എന്തെങ്കിലും അപാകതയുണ്ടെങ്കില്‍ ബന്ധപ്പെട്ട വകുപ്പ് മേധാവി, ബന്ധപ്പെട്ട വകുപ്പ് അഡീഷണല്‍ സെക്രട്ടറി, ധനകാര്യ അഡീഷണല്‍ സെക്രട്ടറി (റവന്യൂ മോണിറ്ററിങ് സെല്‍) എന്നിവരടങ്ങുന്ന മൂന്നംഗ കമ്മിറ്റ് ടീയെ നിയമിക്കണമെന്നും ഉത്തരവില്‍ പറയുന്നു. ) പരിശോധിച്ച് ചീഫ് സെക്രട്ടറിക്ക് സമയബന്ധിതമായ ശുപാര്‍ശകള്‍ നല്‍കും. ഉത്തരവിന്റെ അടിസ്ഥാനത്തില്‍ കഴിഞ്ഞ ആറുമാസത്തിനിടെ വര്‍ധിപ്പിച്ച നിരക്കുകള്‍ പരിഷ്‌കരിക്കില്ലെന്നും പറയുന്നു. പട്ടികജാതി-പട്ടികവര്‍ഗ വിഭാഗങ്ങളിലെ വിദ്യാര്‍ത്ഥികള്‍ക്കും പൗരന്മാര്‍ക്കും നിരക്ക് വര്‍ദ്ധനവ് ബാധകമല്ലെന്നും അതില്‍ പറയുന്നു.
ഡിപ്പാര്‍ട്ട്മെന്റുകള്‍ക്ക് ഒരു സ്വതന്ത്ര കൈ നല്‍കുമ്പോള്‍, രണ്ട് വകുപ്പുകള്‍ക്കും പ്രത്യേക സേവനത്തില്‍ പങ്കാളിത്തമുണ്ടെങ്കില്‍ രണ്ട് വകുപ്പുകള്‍ ഒരേ സേവനത്തിന് രണ്ട് വ്യത്യസ്ത സേവന നിരക്കുകളോ ഫീസ് വര്‍ദ്ധനകളോ ആരംഭിക്കാന്‍ സാധ്യതയുണ്ട്. സര്‍ക്കാര്‍ വകുപ്പുകള്‍ നല്‍കുന്ന സേവനങ്ങള്‍ക്ക് മാത്രമല്ല, പൊതുമേഖലാ സ്ഥാപനങ്ങള്‍ നല്‍കുന്ന സേവനങ്ങള്‍ക്കും സഹായ സ്ഥാപനങ്ങളിലെ ഗ്രാന്റുകള്‍ക്കും നിരക്ക് പരിഷ്‌കരണം ബാധകമാകും. സംസ്ഥാനത്തിന്റെ സാമ്പത്തിക സുസ്ഥിരതയ്ക്കും സമഗ്രമായ അടിസ്ഥാന സൗകര്യ വികസനത്തിനും വരുമാനം വര്‍ധിപ്പിക്കുന്നതിനുള്ള സാധ്യതകള്‍ ആരായണമെന്ന് ചൂണ്ടിക്കാട്ടിയാണ് സര്‍ക്കാര്‍ ഫീസ് വര്‍ധനയെ ന്യായീകരിച്ചത്. കൂടാതെ, നികുതിയേതര വിഭാഗത്തിന് കീഴിലുള്ള ചില ഇനങ്ങളുടെ ചാര്‍ജുകളും ഫീസും വളരെക്കാലമായി സ്പര്‍ശിക്കാത്തതാണ്.
സര്‍ക്കാരിന്റെ ഏറ്റവും പുതിയ തീരുമാനം പൊതുജനങ്ങളെ ഗുരുതരമായി ബാധിക്കും. 2023-24ല്‍ നികുതികളും പെര്‍മിറ്റ് ഫീസും വര്‍ധിപ്പിച്ച് ബജറ്റിലും തദ്ദേശ സ്ഥാപനങ്ങളിലും അധിക വരുമാനം സമാഹരിക്കാന്‍ ഏകദേശം 4,500 കോടി രൂപ പ്രതീക്ഷിച്ചിരുന്നെങ്കില്‍, 2024-25ല്‍ പ്രതീക്ഷിക്കുന്ന അധിക വിഭവസമാഹരണം 1,067 കോടി രൂപ മാത്രമാണ്.
