ഗവർണറുടെ ശമ്പളം എത്ര? ആരിഫ് മുഹമ്മദ് ഖാന് ശമ്പളമായി ലഭിച്ചത്

ഗവർണറുടെ ശമ്പളം എത്ര? 3.50 ലക്ഷമാണ് ഗവർണറുടെ ശമ്പളം. 2019 സെപ്റ്റംബറിലാണ് ആരിഫ് മുഹമ്മദ് ഖാൻ കേരള ഗവർണർ ആകുന്നത്. 5 വർഷമാണ് കാലാവധി എങ്കിലും നിയമനം വൈകിയതോടെ 4 മാസം കൂടി ആരിഫ് മുഹമ്മദ് ഖാന് ലഭിച്ചു. 64 മാസം ആരിഫ് ഖാൻ കേരള ഗവർണർ കസേരയിൽ ഇരുന്നു. 64 മാസത്തെ ശമ്പളമായി ആരിഫ് മുഹമ്മദ് ഖാന് ലഭിച്ചത് 2.24 കോടി. ഗവർണറുടെ ശമ്പളം അടക്കം രാജ് ഭവന്റെ ചെലവുകൾക്ക് 2024- 25 ലെ ബജറ്റിൽ ബാലഗോപാൽ വകയിരുത്തിയിരിക്കുന്നത് 12,95,35,000 രൂപ ( 12.95 കോടി).2022- 23 ൽ രാജ്ഭവന്റെ ചെലവ് 13 കോടിക്ക് മുകളിൽ ഉയർന്നു.

രാജ്ഭവന് ബജറ്റിൽ വകയിരുത്തിയ തുക

1. രാജ്ഭവൻ സെക്രട്ടറിയേറ്റ്- 7.31 കോടി
2. ഗവർണറുടെ ശമ്പളം – 42 ലക്ഷം
3. ഇഷ്ടാനുസാരദാനം – 25 ലക്ഷം
4. ഗാർഹിക ചെലവ്- 4.21 കോടി
5. വൈദ്യസഹായം – 50.62 ലക്ഷം
6. മനോരജ്ഞന ചെലവുകൾ – 2 ലക്ഷം
7. കരാർ നിശ്ചയ പ്രകാരം ഉള്ള അലവൻസുകൾ – 10 ലക്ഷം
8. സഞ്ചാര ചെലവുകൾ – 13 ലക്ഷം

ആരിഫ് മുഹമ്മദ് ഖാനെ ബീഹാർ ഗവർണറായി കഴിഞ്ഞ ദിവസം നിയമിച്ചിട്ടുണ്ട്. ഡിസംബർ 31 വരെ ആരിഫ് മുഹമ്മദ് ഖാൻ കേരളത്തിൽ തുടരും എന്നാണ് ലഭിക്കുന്ന സൂചന.