മൂന്നാം ക്ലാസ് വിദ്യാർത്ഥിനി ഹൃദയാഘാതം മൂലം മരിച്ചു

മൈസൂരുവിൽ മൂന്നാം ക്ലാസ് വിദ്യാർത്ഥിനി ഹൃദയാഘാതം മൂലം മരിച്ചു. ചാമരാജനഗറിലെ സ്വകാര്യ സ്‌കൂളിൽ പഠിക്കുന്ന എട്ട് വയസ്സുകാരി തേജസ്വിനി ആണ് മരിച്ചത്.

കുഴഞ്ഞ് വീണ കുട്ടിയെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. പരിശോധിച്ച ഡോക്ടർമാരാണ് മരണകാരണം ഹൃദയാഘാതമാണെന്ന് വ്യക്തമാക്കിയത്.

കുട്ടിക്ക് ഇതിന് മുമ്പ് അസുഖങ്ങളൊന്നും ഉണ്ടായിരുന്നില്ല. ഇന്നലെ ഉച്ചയ്ക്ക് സ്‌കൂളിലെ ലഞ്ച് ബ്രേക്ക് സമയത്ത് കുഴഞ്ഞുവീഴുകയായിരുന്നു. സ്‌കൂൾ അധികൃതരുടെ ഭാഗത്തുനിന്ന് വീഴ്ച്ചയൊന്നും ഉണ്ടായിട്ടില്ലെന്ന് അധികൃതർ അറിയിച്ചു.