നാളെ പൊതു അവധി! വി.എസിന്റെ സംസ്കാരം മറ്റന്നാൾ ആലപ്പുഴയിൽ

തിരുവനന്തപുരം: മുന്‍ മുഖ്യമന്ത്രി വിഎസ് അച്യുതാനന്ദന്റെ വിയോഗത്തെ തുടര്‍ന്ന് സംസ്ഥാനത്ത് നാളെ പൊതു അവധി പ്രഖ്യാപിച്ചു.സ്‌കൂളുകളും സര്‍ക്കാര്‍ ഓഫീസുകളും പ്രവര്‍ത്തിക്കില്ല. സംസ്ഥാനത്ത് മൂന്ന് ദിവസം ദുഃഖാചരണവും പ്രഖ്യാപിച്ചു

സംസ്കാരം മറ്റന്നാൾ ആലപ്പുഴയിൽ

ഇന്ന് 3.20നായിരുന്നു വി.എസ്. അച്യുതാനന്ദന്റെ അന്ത്യം. മൂന്ന് ദിവസം നീണ്ടുനിൽക്കുന്ന പൊതുദർശനത്തിന് ശേഷം, മറ്റന്നാൾ (ബുധനാഴ്ച) വൈകുന്നേരം ജന്മനാടായ ആലപ്പുഴയിൽ സംസ്കാരം നടക്കും.

വി.എസ്സിന്റെ വിയോഗത്തെ തുടർന്ന് പാർട്ടി പതാകകൾ താഴ്ത്തിക്കെട്ടണമെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദൻ നിർദ്ദേശം നൽകി.

പൊതുദർശനം: തിരുവനന്തപുരത്തും ആലപ്പുഴയിലും

ഇന്ന് ആശുപത്രിയിൽ നിന്ന് തിരുവനന്തപുരത്തെ പഴയ എകെജി സെന്ററിലേക്ക് കൊണ്ടുപോകുന്ന മൃതദേഹം, രാത്രി എട്ട് മണിയോടെ തിരുവനന്തപുരത്തെ വസതിയിൽ പൊതുദർശനത്തിന് വെക്കും.

നാളെ (ചൊവ്വാഴ്ച):

• രാവിലെ തിരുവനന്തപുരം ദർബാർ ഹാളിൽ പൊതുദർശനം.
• ഉച്ചയ്ക്ക് ശേഷം മൃതദേഹം വിലാപയാത്രയായി ജന്മനാടായ ആലപ്പുഴയിലേക്ക് കൊണ്ടുപോകും.
• വൈകുന്നേരം ആലപ്പുഴയിലെ വേലിക്കകത്ത് വീട്ടിൽ പൊതുദർശനത്തിന് വെക്കും.

മറ്റന്നാൾ (ബുധനാഴ്ച):

• രാവിലെ സിപിഎം ആലപ്പുഴ ജില്ലാ കമ്മിറ്റി ഓഫീസിൽ പൊതുദർശനം.
• തുടർന്ന് ആലപ്പുഴ ടൗൺ ഹാളിലും പൊതുദർശനത്തിന് വെക്കും.
• വൈകുന്നേരത്തോടെ ആലപ്പുഴ വലിയ ചുടുകാട് ശ്മശാനത്തിൽ സംസ്കാര ചടങ്ങുകൾ നടക്കും.