Crime
അച്ഛന്‍ മകനെ വെട്ടിക്കൊല്ലാന്‍ ശ്രമിച്ചു; മദ്യപിക്കാന്‍ പണം നല്‍കിയില്ലെന്ന് കാരണം
കൊല്ലം: കൊല്ലം പറവൂരിൽ അച്ഛൻ മകനെ വെട്ടിപ്പരിക്കേൽപിച്ചു. കുറുമണ്ടൽ സ്വദേശി രാജേഷാണ് മകൻ അഭിലാഷിനെ മദ്യലഹരിയിൽ വെട്ടിപ്പരിക്കേൽപിച്ചത്. ഇന്നലെ പുലർച്ചെയാണ് സംഭവം. ഉറങ്ങിക്കിടന്ന മകനെ പ്രതി രാജേഷ് മദ്യലഹരിയിൽ ആക്രമിക്കുകയായിരുന്നു. രാജേഷിനെ പരവൂർ പൊലീസ് അറസ്റ്റ് ചെയ്തു. ഗുരുതരമായി പരിക്കേറ്റ അഭിലാഷിനെ തിരുവനന്തപുരം മെഡിക്കൽ കോളേജിൽ പ്രവേശിപ്പിച്ചിരിക്കുകയാണ്.
വീട് നിർമാണത്തിനായി മുനിസിപ്പാലിറ്റിയിൽ നിന്നും ലഭിച്ച പണം ആവശ‍്യപ്പെട്ടതിന്‍റെ പേരിൽ രാജേഷ് ഭാര‍്യയും മകനുമായി കഴിഞ്ഞ ദിവസം വഴക്കുണ്ടാക്കിയിരുന്നു.
