Cinema
ബാലചന്ദ്ര മേനോന് മുന്‍കൂര്‍ ജാമ്യം അനുവദിച്ചു
കൊച്ചി: ബാലചന്ദ്രമേനോന് ഇടക്കാല മുന്‍കൂര്‍ ജാമ്യം. ഹേമ കമ്മീഷന്‍ റിപ്പോര്‍ട്ട് പുറത്ത് വന്നതിന് പിന്നാലെ നടനും സംവിധായകനുമായ ബാലചന്ദ്രമേനോന്റെ പേരില്‍ വന്ന ലൈംഗികാതിക്രമ കേസിലാണ് ജാമ്യം അനുവദിച്ചത്. ബാലചന്ദ്ര മേനോന് ഹൈക്കോടതിയില്‍ നല്‍കിയ ഹര്‍ജി പരിഗണിച്ചുകൊണ്ടാണ് ഇടക്കാല മുന്‍കൂര്‍ ജാമ്യം നല്‍കിയത്. ആലുവ സ്വദേശിയായ നടിയാണ് ബാലചന്ദ്രമേനോനെതിരെ ലൈംഗിക അതിക്രമ പരാതി നല്‍കിയത്.
തിരുവനന്തപുരം കന്റോണ്‍മെന്റ് പൊലീസാണ് ബാലചന്ദ്ര മേനോനെതിരെ കേസെടുത്തിരിക്കുന്നത്. ഈ കേസിലാണ് മുന്‍കൂര്‍ ജാമ്യം തേടി നടന്‍ ഹൈക്കോടതിയില്‍ ഹര്‍ജി നല്‍കിയത്. നവംബര്‍ 21 വരെയാണ് ഇദ്ദേഹത്തിന് മുന്‍കൂര്‍ ജാമ്യം അനുവദി ച്ചിരിക്കുന്നത്. നടിയുടെ പരാതി വ്യാജമാണെന്നും തന്നെ ഭീഷണിപ്പെടുത്തി പണം തട്ടാനുള്ള ശ്രമമാണ് നടന്നതെന്നും ബാലചന്ദ്രമേനോന് ഹര്‍ജിയില്‍ പറയുന്നു.
