കർമ്മ ന്യൂസ് ഓൺലൈൻ ചാനലിന്റെ എംഡി വിൻസ് മാത്യു അറസ്റ്റിൽ
തിരുവനന്തപുരം: കർമ്മന്യൂസ് ഓൺലൈൻ ചാനലിന്റെ എംഡി വിൻസ് മാത്യൂ അറസ്റ്റിലായി. ഇയാൾക്കെതിരെ സൈബർ പൊലീസ് ലുക്ക്ഔട്ട് നോട്ടീസ് പുറപ്പെടുവിച്ചിരുന്നു. ഓസ്‌ട്രേലിയലിൽ നിന്നും രാവിലെ എത്തിയപ്പോൾ വിമാനത്താവളത്തിൽവച്ചാണ് വിൻസിനെ പിടികൂടിയത്. സൈബർ പൊലീസ് മൂന്ന് കേസുകളാണ് രജിസ്റ്റർ ചെയ്തിരിക്കുന്നത്.
കളമശ്ശേരി സ്‌ഫോടന സമയത്ത് ഇതിനെ പിന്തുണച്ച് കർമ്മ ന്യൂസിൽ വാർത്ത കൊടുത്തിരുന്നു. ഇതിൽ വിൻസിനെതിരെ സൈബർ പൊലീസ് കേസെടുത്തിരുന്നു. മുഖ്യമന്ത്രിയുടെ ദുരിതാശ്വാസനിധിയിൽ തട്ടിപ്പ് നടന്നു എന്നായിരുന്നു മറ്റൊരു വാർത്ത. ഇതിലും കേസ് രജിസ്റ്റർ ചെയ്തിരുന്നു. ഈ കേസിലാണ് വിൻസിനെതിരെ ലുക്ക് ഔട്ട് നോട്ടീസ് പുറപ്പെടുവിച്ചത്.
ഓസ്‌ട്രേലിയലിൽ നിന്നും രാവിലെ തിരുവനന്തപുരം വിമാനത്താവളത്തിൽ എത്തിയപ്പോൾ എമിഗ്രേഷൻ ഉദ്യോഗസ്ഥർ തടഞ്ഞുവെക്കുകയും പിന്നീട് സൈബർ പൊലീസിന് കൈമാറുകയുമായിരുന്നു. കേസിൽ ചോദ്യം ചെയ്തതിന് ശേഷം വൈകുന്നേരം കോടതിയിൽ ഹാജരാക്കും.
