കാസർഗോഡ് ഇരിയയിൽ ഡോക്ടർക്കെതിരെ ലൈംഗിക പീഡന പരാതി. ക്ലിനിക്കിൽ ചികിത്സയ്ക്കായെത്തിയ രോഗിയെയാണ് പീഡിപ്പിക്കാൻ ശ്രമം നടത്തിയത്. പീഡന ദൃശ്യങ്ങൾ ചിത്രീകരിച്ച ശേഷം ഭീഷണിപ്പെടുത്തി പീഡനം തുടരുകയായിരുന്നുവെന്നാണ് പരാതി. ഡോക്ടർ ജോണിനെതിരെ അമ്പലത്തറ പൊലീസ് പരാതിയിന്മേൽ കേസെടുത്തിട്ടുണ്ട്.
മൂത്രാശയ അണുബാധയുമായി ബന്ധപ്പെട്ട് ചികിത്സയ്ക്കിടെ ഡോക്ടർ ജോൺ ലൈംഗികമായി ഉപദ്രവിച്ചുവെന്നാണ് യുവതി പൊലീസിന് നൽകിയിരിക്കുന്ന പരാതിയിൽ പറയുന്നത്. കാസർഗോഡ് എസ്പിക്ക് ഉൾപ്പെടെ യുവതി പരാതി നൽകിയിരുന്നു. ഇതിന്റെ അടിസ്ഥാനത്തിലാണ് അമ്പലത്തറ പൊലീസ് കേസെടുത്തത്.
