World
വിദ്യാര്‍ത്ഥിയുമായി ലൈംഗിക ബന്ധം, യുഎസില്‍ അധ്യാപികയ്ക്ക് 30 വര്‍ഷം തടവ്
അമേരിക്ക; കൗമാരക്കാരനായ വിദ്യാര്‍ത്ഥിയുമായി പല തവണ ലൈംഗിക ബന്ധത്തിലേര്‍പ്പെട്ട മുന്‍ അധ്യാപികയ്ക്ക് 30 വര്‍ഷം തടവ്. അമേരിക്കയിലെ മേരിലാന്‍ഡിലാണ് ഈ സംഭവം നടന്നത്. അധ്യാപികയായിരുന്ന കാലയളവിലാണ് തന്റെ വിദ്യാര്‍ത്ഥി യുമായി അധ്യാപിക പലതവണ ലൈംഗിക ബന്ധം നടത്തിയത്. 32 കാരിയായ മെലിസ കര്‍ട്ടിസ് ആണ് കേസിലെ പ്രതി. 2015 ജനുവരി മുതല്‍ മെയ് വരെ പല സ്ഥലങ്ങളില്‍ വെച്ചാണ് ലൈംഗിക പീഡനം നടന്നത്.
എട്ടാം ക്ലാസുകാരനായ വിദ്യാര്‍ത്ഥിക്ക് മദ്യവും കഞ്ചാവും നല്‍കിയിട്ടായിരുന്നു ലൈംഗിക ബന്ധം നടന്നത്. രണ്ട് വര്‍ഷമായി കുട്ടിയുടെ സ്‌കൂളിലെ അധ്യാപികയായിരുന്നു ഇവര്‍. കേസ് പുറത്ത് വന്നതിന് പിന്നാലെ അധ്യാപികയെ പിരിച്ച് വിട്ടിരുന്നു. 2023 ഒക്ടോബറിലാണ് ഇര പീഡനാരോപണവുമായി രംഗത്തെത്തിയത്. പിന്നാലെ പോലീസ് അന്വേഷണം ആരംഭിക്കുകയും പ്രതിയെ പിടികൂടുകയുമായിരുന്നു.
