വാഷിങ്ടണ്‍; വൈറ്റ് ഹൗസിലേയ്ക്ക് തിരികെ വരുന്നതിന് മുന്‍പ് തന്നെ ട്രംപ് തന്‍രെ സര്‍ക്കാരിന്റെ ചുമതലകള്‍ വിശിഷ്ട വ്യക്തികളില്‍ നിഷിപ്തമാക്കിയിരിക്കുകയാണ്. വാക്സിന്‍ വിരുദ്ധ പ്രവര്‍ത്തകനായ റോബര്‍ട്ട് എഫ് കെന്നഡി ജൂനിയറിനെയാണ് ട്രംപ് ആരോഗ്യ വകുപ്പ് സെക്രട്ടറിയായി നിയമിച്ചിരിക്കുന്നത്.
പകര്‍ച്ച വ്യാധികളില്‍ നിന്ന് സംരക്ഷിക്കാനും അമേരിക്കയെ വീണ്ടും ആരോഗ്യത്തില്‍ മികച്ചതാക്കാനും കെന്നഡി ജൂനിയറിന് സാധിക്കുമെന്ന് ട്രംപ് വ്യക്തമാക്കി. റോബര്‍ട്ട് എഫ് കെന്നഡി ജൂനിയറിനെ യുണൈറ്റഡ് സ്റ്റേറ്റ്‌സ് സെക്രട്ടറി ഓഫ് ഹെല്‍ത്ത് ആന്‍ഡ് ഹ്യൂമന്‍ സര്‍വീസസ് (എച്ച്എച്ച്എസ്) ആയി പ്രഖ്യാപിക്കുന്നതില്‍ എനിക്ക് സന്തോഷമുണ്ട്.
വളരെക്കാലമായി പല വ്യാവസായിക ഭക്ഷ്യ സമുച്ചയങ്ങളും പല മയക്കുമരുന്ന് കമ്പനികളും അമേരിക്കക്കാരെ തകര്‍ത്തിട്ടുണ്ട്. പൊതുജനാരോഗ്യത്തിന്റെ കാര്യം വരുമ്പോള്‍. എല്ലാ അമേരിക്കക്കാരുടെയും സുരക്ഷയും ആരോഗ്യവും ഏതൊരു ഭരണകൂടത്തിന്റെയും ഏറ്റവും പ്രധാനപ്പെട്ട പങ്കാണെന്നും ട്രംപ് കൂട്ടിച്ചേര്‍ത്തു.
