മുംബൈ: സ്ത്രീകൾ, കുട്ടികൾ, കൗമാരായ പ്രായക്കാരായ പെൺകുട്ടികൾ എന്നിവർക്ക് ആരോഗ്യ സേവാ പദ്ധതി പ്രഖ്യാപിച്ച് റിലയൻസ് ഫൗണ്ടേഷന്റെ സ്ഥാപകയും ചെയർപേഴ്‌സണുമായ നീത അംബാനി. സർ എച്ച് എൻ ആശുപത്രിയുടെ വാർഷികത്തോടനുബന്ധിച്ചാണ് പദ്ധതി പ്രഖ്യാപനം.
ജന്മനാ ഹൃദ്രോഗമുള്ള 50,000 കുട്ടികൾക്ക് സൗജന്യ പരിശോധനയും ചികിത്സയും, സ്തനാർബുദവും അർബുദവും ബാധിച്ച 50,000 സ്ത്രീകൾക്ക് സൗജന്യ പരിശോധനയും ചികിത്സയുമാണ് പദ്ധതിയിൽ ഉൾപ്പെടുത്തിയിരിക്കുന്നത്. ഇതിനൊപ്പം കൗമാരപ്രായക്കാരായ 10,000 പെൺകുട്ടികൾക്ക് സൗജന്യ ഗർഭാശയ കാൻസർ വാക്സിനേഷനും നൽകുമെന്ന് റിലയൻസ് ഇൻഡസ്ട്രീസ് പ്രസ്താവനയിലൂടെ അറിയിച്ചു.
ഒരു ദശാബ്ദം പൂർത്തിയായ ഈ വേളയിൽ, പാർശ്വവത്കരിക്കപ്പെട്ട സമൂഹങ്ങളിൽ നിന്നുള്ള കുട്ടികൾക്കും സ്ത്രീകൾക്കുമായി ഞങ്ങൾ സൗജന്യമായി ഒരു പുതിയ ആരോഗ്യ സേവാ പദ്ധതി ആരംഭിച്ചുവെന്നു നീത അംബാനി പറഞ്ഞു.
അതേസമയം, കഴിഞ്ഞ പത്ത് വർഷത്തിനുള്ളിൽ 1.5 ലക്ഷത്തിലധികം കുട്ടികൾ ഉൾപ്പെടെ, 2.75 ദശലക്ഷം ഇന്ത്യക്കാർക്ക് ഈ ആശുപത്രി ഭക്ഷണം നൽകിയിട്ടുണ്ടെന്ന് റിപ്പോർട്ടിൽ പറയുന്നു. 500-ലധികം അവയവമാറ്റ ശസ്ത്രക്രിയകൾ നടത്തിയ ഈ ആശുപത്രി 24 മണിക്കൂറിനുള്ളിൽ 6 അവയവങ്ങൾ മാറ്റിവച്ചതിൻ്റെ റെക്കോർഡും നേടിയിട്ടുണ്ട്.
1925 ൽ ഗോർദ്ധൻദാസ് ഭഗവാൻദാസ് നരോത്തംദാസ് സ്ഥാപിച്ചതാണ് സർ എച്ച്എൻ റിലയൻസ് ഫൗണ്ടേഷൻ ഹോസ്പിറ്റൽ ആൻഡ് റിസർച്ച് സെൻ്റർ. 2014-ൽ ഇത് നവീകരിച്ച് വീണ്ടും തുറന്നു.
