താൻ യുഎസ് പ്രസിഡന്റാകും മുമ്പ് യുദ്ധമവസാനിപ്പിക്കണം; ബിന്യമിൻ നെതന്യാഹുവിനോട് ആവശ്യമറിയിച്ച് ട്രംപ്

താൻ യുഎസ് പ്രസിഡന്റാകും മുമ്പ് യുദ്ധമവസാനിപ്പിക്കണം. ഇസ്രായേൽ പ്രധാനമന്ത്രി ബിന്യമിൻ നെതന്യാഹുവിനോട് ആവശ്യമറിയിച്ച് ഡോണൾഡ് ട്രംപ്. ട്രംപുമായും നെതന്യാഹുവുമായും അടുപ്പമുള്ളവരെ ഉദ്ധരിച്ച് ടൈംസ് ഓഫ് ഇ​സ്രായേലാണ് ഈ വാർത്ത പുറത്തുവിട്ടത്. എത്രയും പെട്ടെന്ന് ഇസ്രായേൽ യുദ്ധം ജയിക്കണമെന്നാണ് ആഗ്രഹമുണ്ടെന്ന് നെതന്യാഹുവിനോട് പറഞ്ഞതായി ട്രംപ് പരസ്യമായി പ്രഖ്യാപിച്ചിരുന്നു. ഇതിന് തൊട്ടു പിന്നാലെയാണ് ഇസ്രായേൽ പ്രധാനമന്ത്രി ബിന്യമിൻ നെതന്യാഹുവിനോട് താൻ യുഎസ് പ്രസിഡന്റാകും മുമ്പ് യുദ്ധമവസാനിപ്പിക്കണമെന്ന് ഡോണൾഡ് ട്രംപ് ആവശ്യപ്പെട്ടതായുള്ള വിവരം പുറത്ത് വരുന്നത്. എന്നാൽ വിശയത്തിൽ പ്രതികരിക്കാൻ ഇരുവിഭാദത്തിന്റേയും ഓഫീസ് തയ്യാറായിട്ടില്ല.

യുദ്ധത്തിന് ശേഷം ഗസ്സയിലെ സുരക്ഷ നിയന്ത്രണം ഏറ്റെടുക്കുമെന്നാണ് നെതന്യാഹു പ്രഖ്യാപിച്ചത്. ഹമാസിന്റെ പുനഃസംഘടന നടക്കുന്നു​ണ്ടോ എന്ന് പതിവായി പരിശോധിക്കാനായി ഗസ്സക്കുള്ളിൽ ഒരു ബഫർ സോൺ സ്ഥാപിക്കുമെന്നും ഐ.ഡി.എഫും വെളിപ്പെടുത്തിയിരുന്നു. അതിനിടയിലും 101ബന്ദികളെ കൈമാറിയാലുടൻ യുദ്ധം അവസാനിപ്പിക്കണമെന്ന ഡീൽ അംഗീകരിക്കാൻ നെതന്യാഹു തയാറായിട്ടില്ല. അതായത് പെട്ടെന്ന് യുദ്ധം അവസാനിപ്പിക്കാൻ നെതന്യാഹു തയാറല്ലെന്നാണ് ഇതിൽ നിന്ന് മനസ്സിലാക്കേണ്ടന്നത്.

രണ്ട് ദിവസം മുമ്പ് ഇസ്രായേൽ പ്രധാനമന്ത്രി തന്നെ വിളിച്ചിരുന്നതായി കഴിഞ്ഞാഴ്ച ട്രംപ് പറഞ്ഞിരുന്നു. ഗസ്സ യുദ്ധം പെട്ടെന്ന് അവസാനിപ്പിക്കണമെന്നാവശ്യപ്പെട്ട് ട്രംപ് നിരന്തരം നെതന്യാഹുവിനെ വിളിക്കുന്നതിലെ ആശങ്ക രണ്ട് മുതിർന്ന ഇ​സ്രായേൽ ഉദ്യോഗസ്ഥർ ടൈംസ് ഓഫ് ഇസ്രായേലുമായി പങ്കുവെച്ചിരുന്നു. നവംബറിലെ തെ​രഞ്ഞെടുപ്പിൽ ട്രംപ് വീണ്ടും പ്രസിഡന്റാവുകയും ജനുവരിയിൽ അധികാരമേൽക്കുന്നതിന് മുമ്പ് യുദ്ധം അവസാനിപ്പിക്കാൻ സാധിക്കാതെ വരികയും ചെയ്താൽ യു.എസുമായുള്ള ഇസ്രായേലിന്റെ നല്ല ബന്ധം തകർക്കാൻ അത്കാരണമാകുമോ എന്നതാണ് ആശങ്ക. ​പെട്ടെന്ന് യുദ്ധം അവസാനിപ്പിക്കാൻ ആഭ്യന്തര രാഷ്ട്രീയം തടസ്സമാണെന്നും ഉദ്യോഗസ്ഥരിലൊരാൾ ചൂണ്ടിക്കാട്ടി.

പ്രസിഡന്റായി അധികാരമേൽക്കുന്നതിന് മുമ്പ് ബന്ദികളെ ഹമാസ് മോചിപ്പിച്ചില്ലെങ്കിൽ വലിയ വില നൽകേണ്ടി വരുമെന്ന് ട്രംപ് ജൂലൈയിലെ റിപ്പബ്ലിക്കൻ നാഷനൽ കൺവെൻഷനിൽ മുന്നറിയിപ്പ് നൽകിയിരുന്നു. ജൂലൈ മുതൽ ട്രംപും നെതന്യാഹുവും തമ്മിൽ നിരവധി കൂടിക്കാഴ്ചകൾ നടത്തിയിട്ടുണ്ട്.

അതേ സമയം അ​മേ​രി​ക്ക​ൻ പ്ര​സി​ഡ​ന്റ് തെ​ര​ഞ്ഞെ​ടു​പ്പി​ന് അ​ഞ്ച് ദി​വ​സം ശേ​ഷി​ക്കെ പ്ര​ചാ​ര​ണം കൊ​ടു​മ്പി​രി​ക്കൊ​ള്ളുകയാണ്. റി​പ്പ​ബ്ലി​ക്ക​ൻ സ്ഥാ​നാ​ർ​ഥി ഡോ​ണ​ൾ​ഡ് ട്രം​പും ഡെ​മോ​ക്രാ​റ്റ് സ്ഥാ​നാ​ർ​ഥി ക​മ​ല ഹാ​രി​സും ത​മ്മി​ൽ ഒ​പ്പ​ത്തി​നൊ​പ്പ​മു​ള്ള പോ​രാ​ട്ട​മാ​ണ് ന​ട​ക്കു​ന്ന​തെ​ന്ന് സ​ർ​വേ​ക​ൾ വ്യ​ക്ത​മാ​ക്കു​ന്നു. ന്യൂ​യോ​ർ​ക്ക് ടൈം​സ് ന​ട​ത്തി​യ സ​ർ​വേ​യി​ൽ ദേ​ശീ​യ​ത​ല​ത്തി​ൽ ക​മ​ല ഹാ​രി​സി​ന് നേ​രി​യ മു​ൻ​തൂ​ക്ക​മു​ണ്ട്. ക​മ​ല​ക്ക് 49 ശ​ത​മാ​നം പേ​രു​ടെ പി​ന്തു​ണ​യു​ള്ള​പ്പോ​ൾ 48 ശ​ത​മാ​നം പേ​രു​ടെ പി​ന്തു​ണ​യോ​ടെ ട്രം​പ് ഒ​പ്പ​ത്തി​നൊ​പ്പ​മു​ണ്ട്.

ഫ​ലം പ്ര​വ​ച​നാ​തീ​ത​മാ​യ ഏ​ഴ് സം​സ്ഥാ​ന​ങ്ങ​ളി​ൽ നാ​ലെ​ണ്ണ​ത്തി​ൽ ട്രം​പ് മു​ന്നി​ലാ​ണെ​ന്ന് ബി.​ബി.​സി റി​പ്പോ​ർ​ട്ട് ചെ​യ്യു​ന്നു. പെ​ൻ​സ​ൽ​വേ​നി​യ​യി​ൽ ഒ​രു പോ​യ​ന്റി​ൽ താ​ഴെ​യാ​ണ് ട്രം​പി​​ന്റെ ലീ​ഡ്. നോ​ർ​ത് ക​രോ​ലൈ​ന​യി​ൽ ഒ​രു പോ​യ​ന്റി​​ന്റെ​യും ജോ​ർ​ജി​യ​യി​ലും അ​രി​സോ​ണ​യി​ലും ര​ണ്ട് പോ​യ​ന്റി​ന്റെ​യും ലീ​ഡ് ട്രം​പി​നു​ണ്ട്.

അ​​തേ​സ​മ​യം, നെ​വാ​ദ, വി​സ്കോ​ൺ​സ​ൻ, മി​ഷി​ഗ​ൻ എ​ന്നി​വി​ട​ങ്ങ​ളി​ൽ ക​മ​ല​യു​ടെ ലീ​ഡ് ഒ​രു പോ​യ​ന്റി​ൽ താ​ഴെ​യാ​ണ്. പ്ര​സി​ഡ​ന്റ് ജോ ​ബൈ​ഡ​ൻ മ​ത്സ​ര​ത്തി​ൽ​നി​ന്ന് പി​ന്മാ​റു​ക​യും വൈ​സ് പ്ര​സി​ഡ​ന്റ് ക​മ​ല ഹാ​രി​സ് എ​ത്തു​ക​യും ചെ​യ്ത​തോ​ടെ​യാ​ണ് തെ​ര​ഞ്ഞെ​ടു​പ്പി​ന് ചൂ​ടു​പി​ടി​ച്ച​ത്.