” എതിർ സ്ഥാനാർത്ഥികൾക്ക് ദയനീയ പരാജയമുറപ്പ് ; പാലക്കാട് കോൺ​ഗ്രസിന് തന്നെ ” ; രാഹുൽ മാങ്കൂട്ടത്തിന് ആശംസയറിയിച്ച്

തിരുവനന്തപുരം : മുതിർന്ന കോൺ​ഗ്രസ് നേതാവ് എകെ. ആന്റണിയെ കണ്ട് രാഹുൽ മാങ്കൂട്ടത്തിൽ . കേരളത്തിൽ 2024ലെ ലോക്സഭാ ഉപതെരഞ്ഞെടുപ്പ് പ്രഖ്യാപിച്ചതിന് പിന്നാലെയാണ് പാലക്കാട് കോൺ​ഗ്രസ് സ്ഥാനാർത്ഥിയാകുന്ന രാഹുൽ മാങ്കൂട്ടത്തിൽ എകെ. ആന്റണിയെ കാണാനെത്തിയത്.

അദ്ദേഹം വിജയസാധ്യത ഏറെയുള്ള സ്ഥലമാണ് പാലക്കാടെന്നും അവിടെ വിജയിച്ച് വരാൻ രാഹുൽ മാങ്കൂട്ടത്തിന് സാധിക്കട്ടെയെന്നും എകെ ആന്റണി ആശംസിച്ചു. ഭൂരിപക്ഷം കിട്ടുമെന്നാണ് പ്രതീക്ഷയെന്നും എ കെ ആന്റണി പറഞ്ഞു. ബിജെപി വോട്ട് കുത്തനെ കുറയുമെന്നും പാലക്കാടും ചേലക്കരയും വയനാടും കോൺഗ്രസ്സ് വിജയിക്കുമെന്നും എ കെ ആന്റണി പറഞ്ഞു.

അതേസമയം വയനാട്ടിൽ പ്രിയങ്ക തരംഗം ഉണ്ടാകുമെന്നും എ കെ ആന്റണി കൂട്ടിച്ചേർത്തു. അതേ സമയം താൻ ഏറ്റവും സന്തോഷത്തിൽ ഉള്ള നിമിഷത്തിലൂടെയാണ് ഇപ്പോൾ കടന്ന് പോകുന്നത് എന്നും സരിൻ എപ്പോഴും തന്റെ നല്ല സുഹൃത്ത് തന്നെയാണെന്നും രാഹുൽ മാങ്കൂട്ടത്തിൽ പ്രതികരിച്ചു.