ജയ്സാല്‍മീര്‍; രാജസ്ഥാനിലെ ജയ്സാല്മീറില് കാണാതായ രണ്ട് കുട്ടികളെ വാട്ടര്‍ ടാങ്കില്‍ മരിച്ച നിലയില്‍ കണ്ടെത്തി. കഴിഞ്ഞ ദിവസമാണ് കുട്ടികളെ കാണാതായത്. മഗ്ര പ്രദേശവാസികളായ ആദില്‍ (6), ഹസ്നൈന്‍ (7) എന്നിവരായ തങ്ങളുടെ മക്കളെ കാണാനില്ലായെന്ന് കാട്ടി ശനിയാഴ്ച്ച രക്ഷിതാക്കള്‍ പരാതി നല്‍കിയിരുന്നു.
തുടര്‍ന്നുള്ള അന്വേഷണത്തില്‍ വീടിന് സമീപമുള്ള ആളൊഴിഞ്ഞ വീടിന്റെ വാട്ടര്‍ ടാങ്കിനുള്ളില്‍ കണ്ടെത്തിയതായി പോലീസ് ഞായറാഴ്ച അറിയിച്ചു. മാത്രമല്ല, കുട്ടികളുടെ ശരീരത്തില്‍ പരുക്കുകളും ഉണ്ട്. മൃതദേഹങ്ങള്‍ പോസ്റ്റ്മോര്‍ട്ടത്തിനായി അയച്ചതായി കോട്വാലി എസ്എച്ച്ഒ സവായ് സിംഗ് പറഞ്ഞു.
കുട്ടികളുടെ ശരീരത്തില്‍ മുറിവുകളുള്ളതിനാല്‍ കൊലപ്പെടുത്തുകയായിരുന്നുവെന്ന് വീട്ടുകാര്‍ ആരോപിച്ചു. പ്രതികളെ അറസ്റ്റ് ചെയ്യണമെന്നാവശ്യപ്പെട്ട് മോര്‍ച്ചറിക്ക് പുറത്ത് ധര്‍ണയും നടത്തി. പോസ്റ്റ്മോര്‍ട്ടം റിപ്പോര്‍ട്ട് ലഭിച്ചാലെ മരണകാരണം വ്യക്തമാകുവെന്നും കേസ് അന്വേഷിക്കുകയാണെന്നും പ്രതികളെ ഉടന്‍ പിടികൂടുമെന്നും എസ്എച്ച്ഒ അറിയിച്ചു.
