‘അൻപോടു കൺമണി’യുടെ കോൺസെപ്റ്റ് പോസ്റ്റർ പുറത്ത്
മലയാള ചിത്രം ‘അൻപോടു കൺമണി’യുടെ കോൺസെപ്റ്റ് പോസ്റ്റർ പുറത്തിറങ്ങി. ലിജു തോമസാണ് ചിത്രത്തിന്റെ സംവിധാനം നിർവഹിച്ചിരിക്കുന്നത്. അർജുൻ അശോകനും അനഘ നാരായണനും പ്രധാന കഥാപാത്രങ്ങളാകുന്ന ഈ ചിത്രം, പ്രണയത്തിന്റെ മാസ്മരിക ലോകത്തിൽ നിന്നും വിവാഹത്തിലേക്കുള്ള യാത്രയിൽ അവർ അഭിമുഖീകരിക്കുന്ന അപ്രതീക്ഷിത സംഭവങ്ങളെക്കുറിച്ചാണ് പറയുന്നത്.
പ്രമുഖ ക്രിയേറ്റീവ് ഫിഷ് ബാനറിൽ വിപിൻ പവിത്രൻ നിർമ്മിക്കുന്ന ഈ ചിത്രത്തിന്, സമൂഹമാധ്യമങ്ങളിൽ നിരവധി ചലച്ചിത്ര രംഗത്തെ പ്രമുഖർ ആശംസകൾ അറിയിച്ചു. അനീഷ് കൊടുവള്ളിയാണ് സിനിമയുടെ രചയിതാവ്.
ചിത്രത്തിൽ അൽത്താഫ് സലിം, മാലാ പാർവതി, ഉണ്ണി രാജ, നവാസ് വള്ളിക്കുന്ന്, മൃദുൽ നായർ, ഭഗത് മാനുവൽ, ജോണി ആൻ്റണി എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. സരിൻ രവീന്ദ്രൻ ഛായാഗ്രഹണവും, സുനിൽ എസ്. പിള്ള എഡിറ്റിംഗും നിർവഹിക്കുന്നു. മനു മഞ്ജിത്തിന്‍റെ വരികൾക്ക് സാമുവൽ എബി സംഗീതം പകർന്നിരിക്കുന്നു.
സിനിമയുടെ പ്രൊഡക്ഷൻ ടീമിൽ പ്രദീപ് പ്രഭാകർ (ചീഫ് അസോസിയേറ്റ് ഡയറക്ടർ), ജിതേഷ് അഞ്ചുമന (പ്രൊഡക്ഷൻ കൺട്രോളർ), നരസിംഹ സ്വാമി (മേക്കപ്പ്), ലിജി പ്രേമൻ (വസ്ത്രാലങ്കാരം) എന്നിവർ ഉൾപ്പെടുന്നു. ‘അൻപോടു കൺമണി’ 2024 നവംബറിൽ തിയേറ്ററുകളിൽ എത്തും.
