ഡല്‍ഹി; ഡല്‍ഹിയില്‍ വാഹനത്തില്‍ നിന്ന് 65 കിലോ പടക്കങ്ങള്‍ പിടികൂടി. സംഭവത്തില്‍ ഇരുപത്തിയൊന്നുകാരനായ യുവാവ് അറസ്റ്റിലായി. ശനിയാഴ്ച്ച നിഹാല്‍ വിഹാറിലെ നൈറ്റ് പട്രോളിംഗ് ഡ്യൂട്ടി ഓഫീസര്‍മാരാണ് പടക്കങ്ങള്‍ പിടികൂടിയത്. സംശയാസ്പദമായി കണ്ടപ്പോള്‍ അവര്‍ വാഹനം നിര്‍ത്താന്‍ ആവിശ്യപ്പെട്ടു. വാഹനത്തില്‍ പരിശോധിച്ചപ്പോള്‍ പിന്‍ഭാഗത്തും നടുവിലുമുള്ള സീറ്റുകളിലായി നാല് പ്ലാസ്റ്റിക് ബാഗുകള്‍ സൂക്ഷിച്ചിരുന്നു. ഇത് തുറന്നപ്പോഴാണ് പടക്കങ്ങള്‍ ആണെന്ന് മനസിലായതെന്ന് പോലീസ് ഡെപ്യൂട്ടി കമ്മീഷണര്‍ പറഞ്ഞു.
വാഹനത്തില്‍ മൂന്ന് പേര്‍ ഉണ്ടായിരുന്നുവെന്നും ഒരാള്‍ പിടിയിലായപ്പോള്‍ വാഹനത്തിലുണ്ടായിരുന്ന മറ്റു രണ്ടുപേര്‍ രക്ഷപ്പെട്ടുവെന്നും പോലീസ് പറഞ്ഞു. ഗാസിയാബാദില്‍ നിന്നാണ് പടക്കങ്ങള്‍ വാങ്ങിയതെന്ന് പിടിക്കപ്പെട്ട പ്രതി പോലീസിനോട് പറഞ്ഞു.
