ഇതാരാ കാവിലെ ഭഗവതി നേരിട്ട് വന്നതാണോ ? രാജാരവിവര്‍മ്മയുടെ ചിത്രം പോലും ഇതിന് മുന്നില്‍ മാറി നില്‍ക്കുമല്ലോ…ഞാന്‍ ഈ പറഞ്ഞു വരുന്നത് ബിഗ്ഗ്ബോസ് താരം ശ്രീതു കൃഷ്ണന്റെ പുതിയ ഇന്‍സ്റ്റഗ്രാം പോസ്റ്റിനെ പറ്റിയാണ്. ശ്രീതു തന്റെ പുതിയ റീല്‍ ഇട്ടു മണിക്കൂറുകള്‍കകമാണ് മില്യന്‍ ക്ലബില്‍ കയറിയിരിക്കുന്നത്. റീലില്‍ ശ്രീതുവിനെ കാണാന്‍ കാവിലെ തമ്പുരാട്ടിയെ പോലെയുണ്ട് എന്നാണ് ആരാധകര്‍ പറയുന്നത്. കൂടാതെ 48000 ലധികം പേര്‍ റീല്‍ ഇതിനോടകം തന്നെ റീല്‍ ഷെയര്‍ ചെയ്തു കഴിഞ്ഞു. എന്തായാലും ബിഗ്ഗ് ബോസ്സ് കഴിഞ്ഞു മാസങ്ങള്‍ പിന്നിടുമ്പോഴും ഇപ്പോഴും സോഷ്യല്‍ മീഡിയയില്‍ എങ്ങും ചര്‍ച്ച വിഷയം ബിഗ്ഗ് ബോസ്സ് താരങ്ങള്‍ തന്നെയാണ്.
ജിന്റൊയാണ് കപ്പ് തൂക്കിയതെങ്കിലും ഫസ്റ്റ് റണ്ണർ അപ്പ്‌ ആയ അര്‍ജുനെ പറ്റിയും സെക്കന്റ്‌ റണ്ണർ അപ്പ്‌ ആയ ജാസ്മിനെ പറ്റിയും കൂടാതെ ശ്രീതുവിന്റെ വിശേഷങ്ങളുമാണ് ആരാധകര്‍ക്ക് അറിയേണ്ടത്. അര്‍ജുനും ജാസ്മിനും ശ്രീതുവും ഒരു പോസ്റ്റോ റീലോ എന്തിനേറെ പറയുന്നു ഒരു ഇന്‍സ്റ്റഗ്രാം സ്റ്റോറി ഇട്ടാല്‍ പോലും നിമിഷ നേരങ്ങള്‍ക്കുള്ളിലാണ് വൈറലാകുന്നത്. ഇപ്പോള്‍ ഏഷ്യാനെറ്റ്‌ ടെലിവിഷന്‍ അവാര്‍ഡിലെ മൂവരുടെയും പ്രകടനത്തിനായാണ്‌ ആരാധകര്‍ കാത്തിരിക്കുന്നത്. ശനി, ഞായര്‍ ദിവസങ്ങളിലായി സംപ്രേഷണം ചെയ്യുന്ന പ്രോഗ്രാമില്‍ അര്‍ജുന്റെയും ശ്രീതുവിന്റെയും ഒരു റൊമാന്റിക്‌ ഡാന്‍സ് തന്നെയുണ്ട്. അതിന്റെ പ്രോമോയും മറ്റും ആരാധകര്‍ ഏറ്റെടുത്തു കഴിഞ്ഞു.
അതേസമയം, ശ്രീതു മലയാളിയാണെങ്കിലും ചെന്നെയിലാണ് പഠിച്ചതും വളര്‍ന്നതും. ശ്രീതു ഒരു അഭിനേത്രിയും ഡാൻസറും മോഡലുമാണ്. തമിഴ് , മലയാളം ടെലിവിഷൻ, ഫിലിം ഇൻഡസ്‌ട്രികളിൽ കഴിവ് തെളിയിച്ച ശ്രീതു കൃഷ്ണന്‍, വിജയ് ടിവിയിലെ 7C ടിവി പരമ്പരയിലൂടെയാണ് അഭിനയ ലോകത്തില്‍ അരങ്ങേറ്റം കുറിച്ചത്. എന്നാല്‍, വിജയ് ടിവിയിൽ സംപ്രേക്ഷണം ചെയ്ത ആയുധ എഴുത്ത് എന്ന ടിവി പരമ്പരയിലെ ഇന്ദിര എന്നാ കഥാപാത്രം, ഏഷ്യാനെറ്റില്‍ സംപ്രേക്ഷണം ചെയ്ത അമ്മയറിയാതെ എന്നാ സീരിയലിലെ അലീന പീറ്റർ എന്ന കഥാപാത്രത്തിലൂടെയാണ് ശ്രീതു കൃഷ്ണന്‍ ശ്രദ്ധിക്കപ്പെടുന്നത്. ഇതില്‍ അമ്മയറിയാതെ എന്ന സീരിയലിലൂടെയാണ് മലയാളികളുടെ മനസ്സില്‍ ശ്രീതു കൃഷ്ണന്‍ ഇടം പിടിക്കുന്നത്. അലീന പീറ്റര്‍ എന്ന കരുത്തുറ്റ കഥാപാത്രത്തെ മലയാളികള്‍ ഇരുകയ്യും നീട്ടി സ്വീകരിച്ചു.
തുടർന്ന് മലയാളികള്‍ ശ്രീതുവിനെ കാണുന്നത് ബിഗ്ഗ് ബോസ്സ് മലയാളം സിക്സിലൂടെയാണ്. അലീന പീറ്ററായി ശ്രീതുവിനെ സ്നേഹിച്ചവര്‍ ശ്രീതു എന്താണെന്നു മനസിലാക്കിയത് ബിഗ്ഗ് ബോസ്സിലൂടെ ആയിരുന്നു. ഫിനാലെയ്ക്ക് തൊട്ടുമുന്‍പ് പുറത്തായെങ്കിലും വലിയൊരു ആരാധകവൃന്ദം നേടാന്‍ ശ്രീതുവിനു സാധിച്ചിട്ടുണ്ട്. അതിന്റെ തെളിവാണ് ബിഗ്ഗ് ബോസ്സിനു ശേഷം താരത്തിന്റെ ഇന്‍സ്റ്റഗ്രാം ഫോളോവേര്സിലുണ്ടായ വളര്‍ച്ചയും താരത്തിനു ഇപ്പോള്‍ ലഭിക്കുന്ന പിന്തുണയും. അതേസമയം, 10 എൻട്രതുക്കുള്ളെ എന്നാ തമിഴ് സിനിമയിലും ശ്രീതു അഭിനയിച്ചിട്ടുണ്ട്. AVS സേതുപതിയുടെ ഇരുളിൽ രാവണൻ എന്ന ചിത്രമാണ്‌ ഇനി പുറത്തിറങ്ങാനുള്ളത്. അതില്‍ സാറ എന്ന കഥാപാത്രത്തെയാണ് ശ്രീതു അവതരിപ്പിക്കുക.
