മുംബൈയില്‍ 20 വയസ്സുള്ള യുവാവ് തന്റെ മുന്‍ കാമുകിയെ സ്പാനര്‍ ഉപയോഗിച്ച് അടിച്ചു കൊന്നു, തിരക്കേറിയ റോഡില്‍ ജനക്കൂട്ടം നോക്കിനില്‍ക്കെയായിരുന്നു ക്രൂരമായ കൊലപാതകം. ആരതി യാദവ് എന്ന പെണ്‍കുട്ടിയെയാണ് രോഹിത് യാദവ് എന്ന ചെറുപ്പക്കാരന്‍ കൊലചെയ്തത്. ഇയാളുമായുള്ള ബന്ധം ഉപേക്ഷിച്ച് പുതിയ ബന്ധത്തിലേക്ക് പെണ്‍കുട്ടി പോയെന്ന് സംശയിച്ചായിരുന്നു ക്രൂരത.
രാവിലെ 8.30 ഓടെ ആരതി യാദവ് ജോലിക്ക് പോകുമ്പോള്‍ വസായ് ഈസ്റ്റ് ചിഞ്ച്പാഡ ഏരിയയില്‍ വെച്ച്
കൈയില്‍ സ്പാനറുമായി പെണ്‍കുട്ടിയെ പിന്തുടര്‍ന്ന് മരിക്കുന്നതുവരെ അടിക്കുകയായിരുന്നുവെന്ന് സിസിടിവി ദൃശ്യങ്ങളില്‍ നിന്ന് വ്യക്തമാകുന്നത്.
രോഹിത് യാദവ് പുറകില്‍ നിന്ന് ഓടിവന്ന് സ്പാനര്‍ കൊണ്ട് പെണ്‍കുട്ടിയുടെ തലയില്‍ അടിക്കുമ്പോള്‍ കാല്‍നടയാത്രക്കാര്‍ സമീപത്തുകൂടെ നടന്നുപോകുന്നത് വീഡിയോയില്‍ വ്യക്തമാണ്. അടിയുടെ ശക്തി ആരതി നിലത്തു വീഴുന്നു. അവള്‍ തല ഉയര്‍ത്താന്‍ ശ്രമിക്കുമ്പോള്‍ 15 പ്രാവശ്യം അടിക്കുകയായിരുന്നു.
ഒരാള്‍ രോഹിതിനെ തടയാന്‍ ശ്രമിക്കുമ്പോള്‍ അയാളെ തള്ളിയിടുകയും സ്പാനര്‍ ഉപയോഗിച്ച് ഭീഷണിപ്പെടുത്തുകയും ചെയ്യുന്നുണ്ട്. ഒരു കാഴ്ചക്കാരന്‍ പകര്‍ത്തിയ മറ്റൊരു വീഡിയോയില്‍, രോഹിത് സ്ത്രീയുടെ ശരീരത്തിന് മുകളില്‍ സ്പാനര്‍ പിടിച്ച് നില്‍ക്കുന്നതായി കാണാം.
ജീവന്‍നഷ്ടപ്പെട്ട പെണ്‍കുട്ടിയുടെ മുഖം ചേര്‍ത്തുപിടിച്ച് ‘നീ എന്തിനാ എന്നോട് ഇങ്ങനെ ചെയ്തത്, എന്തിനാ ഇങ്ങനെ ചെയ്തത്?’ ഒരിക്കല്‍ കൂടി അവളെ തല്ലുന്നതിന് മുമ്പ് അവന്‍ ഹിന്ദിയില്‍ അലറുന്നു. പിന്നീട് അവന്‍ രക്തം പുരണ്ട സ്പാനര്‍ വലിച്ചെറിഞ്ഞ് ആള്‍ക്കൂട്ടത്തിലേക്ക് നടന്നു.
പോസ്റ്റ് ഒരു കമന്റ് രോഹിത് യാദവിനെ അറസ്റ്റ് ചെയ്തുവെന്നും കൊലപാതകക്കുറ്റം ചുമത്തുമെന്നും പോലീസ് പറഞ്ഞു. ഇയാളുടെ ബന്ധം അവസാനിപ്പിച്ചതുമുതല്‍ പെണ്‍കുട്ടി മറ്റാരെയെങ്കിലും കണ്ടെത്തിയതായി സംശയിച്ചാണ് കൊലപാതകമെന്ന് പോലീസ് പറയുന്നു.
