തെലുങ്ക് താരം നിഖിലിനെ നായകനാക്കി ഭരത് കൃഷ്ണമാചാരി സംവിധാനം ചെയ്യുന്ന പാൻ ചിത്രമാണ് സ്വയംഭൂ. ഈ ചിത്രത്തിലെ നായികാ വേഷം ചെയ്യുന്ന തെന്നിന്ത്യൻ താരം സംയുക്ത മേനോന്റെ ഫസ്റ്റ് ലുക്ക് പുറത്ത്. സംയുക്തയ്ക്ക് ജന്മദിനാശംസകൾ നേർന്നു കൊണ്ടാണ് ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറക്കിയത്. സംയുക്തയ്ക്ക് പുറമെ,നഭാ നടേഷും ചിത്രത്തിൽ നായിക വേഷത്തിലെത്തുന്നു.
ഭരത് കൃഷ്ണമാചാരി സംവിധാനം ചെയ്യുന്ന ‘സ്വയംഭൂ’ വലിയ ബജറ്റിലും ഉയർന്ന സാങ്കേതിക നിലവാരത്തിലും നിർമിച്ചിരിക്കുന്ന പീരിയോഡിക് ആക്ഷൻ ഡ്രാമയാണ്. നായക വേഷത്തിലെത്തുന്നത് നിഖിൽ ആണ്. സംയുക്ത ധീരയായ ഒരു യോദ്ധാവായാണ് ഫസ്റ്റ് ലുക്ക് പോസ്റ്ററിൽ പ്രത്യക്ഷപ്പെടുന്നത്.
പിക്സൽ സ്റ്റുഡിയോസിന്റെ ബാനറിൽ ഭുവനും ശ്രീകറും ചേർന്നാണ് ചിത്രം നിർമ്മിക്കുന്നത്. ടാഗോർ മധുവാണ് ചിത്രം അവതരിപ്പിക്കുന്നത് . ഛായാഗ്രഹണം- കെ. കെ. സെന്തിൽ കുമാർ, സംഗീതം- രവി ബസ്രൂർ, പ്രൊഡക്ഷൻ ഡിസൈനർ- എം. പ്രഭാകരൻ, സഹനിർമ്മാതാക്കൾ- വിജയ് കാമിസെട്ടി, ജി. ടി. ആനന്ദ് എന്നിവരാണ്.
