തിരുവനന്തപുരം: ജനപക്ഷം നേതാവ് പി സി ജോർജ് ബിജെപിയിലേക്കെന്ന് സൂചന . കേന്ദ്ര നേതൃത്വവുമായി ചർച്ച നടത്താൻ ഇന്ന് പി സി ദില്ലിക്ക് തിരിക്കും എന്ന വിവരങ്ങൾ പുറത്ത് വന്നിരിക്കുകയാണ്. നിയമസഭാ തിരഞ്ഞെടുപ്പ് ഉൾപ്പെടെ അടുത്ത് വന്നിരിക്കുന്ന സാഹചര്യത്തിൽ ഇത്തരമൊരു നീക്കം നടത്തുന്നതിന്റെ പിന്നിലെ ലക്ഷ്യം എന്തെന്നത് നിരാക്ഷിക്കുകയാണ് ഇപ്പോൾ രാഷ്ട്രീയ കേരളം.
എന്തായാലും ഈ നിർണായക തീരുമാനവുമായി ബന്ധപ്പെട്ട് ഇന്ന് ഉച്ചകഴിഞ്ഞാണ് ചർച്ച നടന്നേക്കും എന്നാണ് വിവരം . പി സി ജോർജ് സംഘടനയിൽ അംഗത്വം എടുക്കണമെന്ന നിലപാടിലാണ് ബിജെപി.
അതേ സമയം, മുന്നണി എന്ന നിലയിൽ സഹകരിക്കണോ ജനപക്ഷം പിരിച്ചു വിട്ട് ബിജെപിയിൽ ചേരണോ എന്ന കാര്യത്തിൽ അന്തിമ തീരുമാനം ആയിട്ടില്ലെന്ന് ജോർജ് വ്യക്തമാക്കി.