തെന്നിന്ത്യയിലെ മികച്ച യുവ സംവിധായകനാണ് ലോകേഷ് കനകരാജ്. സംവിധാനം ചെയ്യുന്ന ചിത്രങ്ങളെല്ലാം സൂപ്പർ ഹിറ്റാക്കി മാറ്റുന്ന ലോകേഷിന്റെ സിനിമയ്ക്കായി ആരാധകർ ആകാംഷയോടെ കാത്തിരിക്കാറുണ്ട്. ലോകേഷിന്റെ ചിത്രങ്ങളെ എല്‍സിയു യൂണിവേഴ്‌സ് എന്നാണ് ആരാധകർ വിശേഷിപ്പിക്കാറുള്ളത്. ഇപ്പോഴിതാ, വിജയ്, സൂര്യ, കാർത്തി, വിക്രം തുടങ്ങിയവരുള്ള എല്‍സിയു യൂണിവേഴ്‌സിലേക്ക് രാഘവ ലോറൻസും എത്തിയിരിക്കുകയാണ്.
രാഘവ ലോറൻസിന്റെ ജന്മദിനത്തോടനുബന്ധിച്ചാണ് ഇക്കാര്യം ഔദ്യോഗികമായി ലോകേഷ് തന്നെ പ്രഖ്യാപിച്ചത്. ബെന്‍സ് എന്ന് പേരിട്ടിരിക്കുന്ന ചിത്രത്തിന്റെ പ്രോമോ വീഡിയോയും ലോകേഷ് പുറത്തുവിട്ടിട്ടുണ്ട്. എന്നാൽ ബെൻസിന്റെ കഥ മാത്രമാണ് ലോകേഷിന്റേത്. തിരക്കഥ എഴുതി സംവിധാനം ചെയ്യുന്നത് ഭാഗ്യരാജ് കണ്ണന്‍ ആണ്. എന്നാൽ ലോകേഷിന്റെ തന്നെ നിർമാണ കമ്പനിയായ ജി സ്‌ക്വാഡുമായി ചേർന്ന് പാഷന്‍ സ്റ്റുഡിയോ, ദി റൂട്ട് എന്നിവരാണ് ചിത്രം നിര്‍മിക്കുന്നത്.
