ജീവനക്കാരുടെയും അധ്യാപകരുടെയും പണിമുടക്ക് ജനുവരി 22 ന്; പണിമുടക്ക് വിജയിപ്പിക്കാൻ ആഹ്വാനം ചെയ്ത് സമര സമിതി

വിവിധ ആവശ്യങ്ങളുന്നയിച്ച്‌ 2025 ജനുവരി 22 ന് നടക്കുന്ന ജീവനക്കാരുടെയും അദ്ധ്യാപകരുടെയും സൂചനാ പണിമുടക്ക് വിജയിപ്പിക്കുന്നതിന് സമര സമിതി ഭാരവാഹികളുടെ മലപ്പുറം ജില്ലാ കണ്‍വെൻഷൻ ആഹ്വാനം ചെയ്തു.

കണ്‍വെൻഷൻ ജോയിന്റ് കൗണ്‍സില്‍ സംസ്ഥാന സെക്രട്ടറി കെ. മുകുന്ദൻ ഉദ്ഘാടനം ചെയ്തു. കെ.ജി.ഒ എഫ് സംസ്ഥാന കമ്മിറ്റി അംഗം ജംഷീർ അദ്ധ്യക്ഷത വഹിച്ചു.

സമര സമിതി നേതാക്കളായ വിനോദ്, ആഷിഷ് , ഡോ. നൗഫല്‍, കെ.സി. സുരേഷ് ബാബു എന്നിവർ സംസാരിച്ചു. സമരസമിതി കണ്‍വീനർ രാകേഷ് മോഹൻ സ്വാഗതവും കവിത സദൻ നന്ദിയും പറഞ്ഞു.