ശ്രദ്ധ കപൂർ പ്രണയത്തിലോ? അഭ്യുഹങ്ങളോട് പ്രതികരിച്ച് താരം
നിരവധി ചിത്രങ്ങളിലൂടെ പ്രേക്ഷക മനസ്സിൽ ഇടം നേടിയ നായികയാണ് ശ്രദ്ധ കപൂർ. ‘സ്ത്രീ 2’ എന്ന സിനിമയിലെ ശ്രദ്ധ കപൂറിന്റെ നായികാ കഥാപാത്രം ഏറെ ശ്രദ്ധ നേടിയിരുന്നു. സിനിമയുടെ വിജയത്തിനൊപ്പം, താരത്തിന്റെ വ്യക്തിജീവിതവുമായി ബന്ധപ്പെട്ട വാർത്തകളും ശ്രദ്ധ നേടുന്നുണ്ട്. അതിൽ ശ്രദ്ധേയമായത് രാഹുൽ മോദിയുമായി പ്രണയത്തിലാണെന്നുള്ളതാണ്. ഇതുവരെ താരം ഇത്തരത്തിലുള്ള അഭ്യുഹങ്ങളോട് പ്രതികരിച്ചിരുന്നില്ല. എന്നാൽ ഇപ്പോൾ ഒരു അഭിമുഖത്തിനിടെ പ്രണയത്തെക്കുറിച്ചുള്ള സൂചനകൾ നൽകിയിരിക്കുന്നു.
അഭിമുഖത്തിൽ താരം തന്റെ പങ്കാളിയുമായി സമയം ചിലവഴിക്കാൻ ഇഷ്ടമാണെന്നും, അവരുടെ കൂടെ യാത്ര ചെയ്യാനും സിനിമകൾ കാണാനും താല്പര്യമുണ്ടെന്നുമാണ് വ്യക്തമാക്കിയിരിക്കുന്നത്. കൂടാതെ, സ്കൂൾ സുഹൃത്തുക്കളായാലും എന്തെങ്കിലും സാഹചര്യത്തിൽ കാണാനാകാതെ പോയാൽ വിഷമമുണ്ടാകുമെന്നും താരം തുറന്നുപറഞ്ഞു. വിവാഹം സംബന്ധിച്ച ചോദ്യത്തിന് വ്യക്തമായ മറുപടി നൽകാൻ തയ്യാറായിരുന്നില്ലെങ്കിലും, ശരിയായ സമയത്ത് വ്യക്തിക്ക് തോന്നിയാൽ മാത്രം വിവാഹം കഴിക്കുന്നതാണ് നല്ലതെന്ന അഭിപ്രായക്കാരിയാണ് ശ്രദ്ധ കപൂര്ർ.
അതേസമയം നടിയുടെ ഏറ്റവും പുതിയ സിനിമയായ സ്ത്രീ 2′ ആഗോളതലത്തിൽ 850 കോടി രൂപയോളം കളക്ഷൻ നേടി വലിയ വിജയമാണ് കൈവരിച്ചിരിക്കുന്നത്. അമർ കൗശിക്കിന്റെ സംവിധാനത്തിൽ ജിഷ്ണു ഭട്ടാചാരിയുടെ ഛായാഗ്രഹണവും, രാജ്കുമാർ റാവു, അഭിഷേക് ബാനർജി, പങ്കജ് ത്രിപതി എന്നിവരെ ഉൾപ്പെടുത്തിയ മികച്ച താരനിരയും ചിത്രത്തിന്റെ വിജയം ഉറപ്പാക്കി.
ദിനേശ് വിജനും ജ്യോതി ദേശ്‌പാണ്ഡെയുമാണ് ചിത്രം നിർമിച്ചത്, 50 കോടി രൂപ ബജറ്റിൽ നിർമ്മിച്ച ഈ ചിത്രം ആമസോൺ പ്രൈം വീഡിയോയിലൂടെയാണ് ഒടിടി പ്ലാറ്റ്ഫോമിൽ റിലീസ് ചെയ്തത്.
