ശബരിമല തിരക്ക്: മുഖ്യമന്ത്രി വിളിച്ച യോഗത്തില്‍ വാക്‌പോര്; എ.ഡി.ജി.പിയും ദേവസ്വം പ്രസിഡന്റും രണ്ട് തട്ടില്‍
തിരുവനന്തപുരം: ശബരിമലയില്‍ അയ്യപ്പഭക്തര്‍ നേരിടുന്ന പ്രശ്‌നങ്ങള്‍ പരിഹരിക്കുന്നതിനായി മുഖ്യമന്ത്രി വിളിച്ച യോഗത്തില്‍ വാക്‌പോര്. എ.ഡി.ജി.പിയും ദേവസ്വം ബോര്‍ഡ് പ്രസിഡന്റും തമ്മിലായിരുന്നു തര്‍ക്കം. തീര്‍ത്ഥാടകരുടെ എണ്ണത്തില്‍ ദേവസ്വം ബോര്‍ഡ് കള്ളക്കണക്ക് പറയുകയാണെന്ന് എ.ഡി.ജി.പി എം.ആര്‍ അജിത്കുമാര്‍ കുറ്റപ്പെടുത്തി.
ഒരു മിനിറ്റില്‍ 60 പേരെ മാത്രമേ പതിനെട്ടാം പടി കയറ്റാന്‍ പറ്റുകയുള്ളൂവെന്നും അദ്ദേഹം പറഞ്ഞു. 75 നു മുകളില്‍ കയറ്റിയിട്ടുണ്ടെന്ന് ദേവസ്വം പ്രസിഡന്റ് പി.എസ് പ്രശാന്ത് തിരിച്ചടിച്ചു.
മുഖ്യമന്ത്രി വിളിച്ച യോഗത്തില്‍ എ.ഡി.ജി.പി നടത്തിയ പ്രസ്താവന തിരുത്തണമെന്ന് പ്രസിഡന്റ് ആവശ്യപ്പെട്ടു. തര്‍ക്കത്തില്‍ മുഖ്യമന്ത്രി ഇടപെട്ടു. നമ്മള്‍ യോഗം ചേരുന്നത് ഏകോപനത്തിന് വേണ്ടിയാണെന്ന് പിണറായി വിജയന്‍ പറഞ്ഞു. ദേവസ്വം ബോര്‍ഡും പൊലിസും തമ്മില്‍ തര്‍ക്കമുണ്ടെന്ന രീതിയില്‍ പ്രചരണമുണ്ട്.
തിരക്ക് ഇപ്പോഴുണ്ടായ അസാധാരണ സാഹചര്യമല്ല. മുമ്പും തിരക്ക് ഉണ്ടായിട്ടുണ്ട്. അന്ന് പൊലിസാണ് അത് പരിഹരിച്ചത്. ആ നിലപാട് ഇപ്പോഴും തുടരണമെന്നും മുഖ്യമന്ത്രി നിര്‍ദേശിച്ചു.
- ആശുപത്രിയിൽ വെച്ച് 12-ാം ക്ലാസുകാരിയെ കഴുത്തറുത്ത് കൊന്നു; നാടിനെ നടുക്കിയ പ്രണയപ്പക
- ടിക്കറ്റ് ബുക്കിംഗ് മുതൽ ഭക്ഷണം വരെ ഇനി ഒറ്റ ആപ്പിൽ; ഇന്ത്യൻ റെയിൽവേയുടെ പുതിയ ‘സൂപ്പർ ആപ്പ്’ റെയിൽവൺ എത്തി
- എച്ച്ഡിബി ഐപിഒ ഓഹരി വിതരണം: നിങ്ങൾക്ക് ഓഹരി ലഭിച്ചോ? എങ്ങനെ പരിശോധിക്കാം
- വീണ ജോർജിന്റെ ‘പൂജ്യം’ പൊള്ള കണക്കുകളെ പൊളിച്ച് ശബരീനാഥൻ; വ്യാജ ക്യാപ്‌സൂളുകൾക്ക് പകരം ആശുപത്രികളിൽ മരുന്നെത്തിക്കണം
- നാടിനെ നടുക്കി 19-കാരിയുടെ മരണം; വീടിനുള്ളിൽ തീകൊളുത്തി
