ന്യൂഡൽഹി: വെറും 14 വയസ്സുള്ള വൈഭവ് സൂര്യവംശി ഗുജറാത്ത് ടൈറ്റൻസ് ബൗളർമാരെ തലങ്ങും വിലങ്ങും പ്രഹരിച്ച് ഐപിഎൽ ചരിത്രത്തിലെ ഏറ്റവും പ്രായം കുറഞ്ഞ സെഞ്ചുറിയനായി. സാംസ്റ്റിപൂരിൽ നിന്നുള്ള ഈ കൗമാര താരം രാജസ്ഥാൻ റോയൽസിനായി വെറും 35 പന്തുകളിൽ തൻ്റെ കന്നി സെഞ്ചുറി നേടി മിന്നുന്ന പ്രകടനമാണ് കാഴ്ചവെച്ചത്. ഒടുവിൽ പ്രസിദ്ധ് കൃഷ്ണയുടെ പന്തിൽ പുറത്താകുന്നതിന് മുമ്പ് 38 പന്തുകളിൽ 101 റൺസാണ് താരം അടിച്ചുകൂട്ടിയത്.
പവലിയനിലേക്ക് മടങ്ങുമ്പോൾ സൂര്യവംശിക്ക് ഗംഭീരമായ കരഘോഷത്തോടെയുള്ള സ്വീകരണമാണ് കാണികൾ നൽകിയത്.
Youngest to score an IPL hundred
— Rajasthan Royals (@rajasthanroyals) April 28, 2025
First Indian centurion this season
Second-fastest 100 in IPL HISTORY 💯
This. Was. The. Moment. 💗pic.twitter.com/bBld2KgJMn
14 വർഷവും 32 ദിവസവും പ്രായമുള്ളപ്പോൾ ഐപിഎൽ സെഞ്ചുറി നേടുന്ന ഏറ്റവും പ്രായം കുറഞ്ഞ ബാറ്റർ എന്ന റെക്കോർഡ് ഇതോടെ സൂര്യവംശിയുടെ പേരിലായി. താരത്തിൻ്റെ ഇന്നിംഗ്സിൽ 11 കൂറ്റൻ സിക്സറുകളും ഏഴ് ഫോറുകളും ഉൾപ്പെടുന്നു.
സൂര്യവംശി സെഞ്ചുറി പൂർത്തിയാക്കിയ നിമിഷം അവിശ്വസനീയമായിരുന്നു. ഗാലറിയും ഡഗ്ഔട്ടിലെ സഹതാരങ്ങളും മാത്രമല്ല ആഘോഷിച്ചത്; രാജസ്ഥാൻ റോയൽസ് മുഖ്യ പരിശീലകൻ രാഹുൽ ദ്രാവിഡ് പോലും ഈ യുവ താരത്തെ അഭിനന്ദിക്കാൻ തൻ്റെ വീൽചെയറിൽ നിന്ന് എഴുന്നേറ്റു നിന്നു!
ഈ അസാധാരണ നേട്ടം കൈവരിച്ച കൗമാരക്കാരന് സ്റ്റേഡിയം മുഴുവൻ ആർപ്പുവിളികളും കരഘോഷങ്ങളും മുഴങ്ങി. ഐപിഎല്ലിലെ ഏറ്റവും വേഗതയേറിയ സെഞ്ചുറിയുടെ റെക്കോർഡ് വെസ്റ്റ് ഇൻഡീസ് താരം ക്രിസ് ഗെയ്‌ലിനാണ്. 2013 ഏപ്രിലിൽ പൂനെ വാരിയേഴ്സിനെതിരെ റോയൽ ചലഞ്ചേഴ്സ് ബാംഗ്ലൂരിനായി 30 പന്തിലാണ് ഗെയ്ൽ സെഞ്ചുറി നേടിയത്.
