ഓണക്കിറ്റുകൾ എത്തും, ഓണത്തിന് സപ്ലൈകോ ഒരുങ്ങുന്നു: വിലക്കയറ്റത്തിന് തടയിടുമെന്നു വാഗ്ദാനം

തിരുവനന്തപുരം: ഈ ഓണക്കാലത്ത് സാധാരണക്കാർക്ക് ആശ്വാസമായി സപ്ലൈകോയുടെ വിപുലമായ ഇടപെടലുകൾ. പ്രത്യേകിച്ച്, അന്ത്യോദയ അന്നയോജന (AAY) കാർഡുടമകൾക്കും ക്ഷേമസ്ഥാപനങ്ങൾക്കും ആറ് ലക്ഷത്തിലധികം ഓണക്കിറ്റുകൾ വിതരണം ചെയ്യാനാണ് സപ്ലൈകോ ലക്ഷ്യമിടുന്നത്.

ഈ കിറ്റുകൾ ഓഗസ്റ്റ് 18 മുതൽ സെപ്റ്റംബർ 2 വരെ വിതരണം ചെയ്യാനാണ് ഉദ്ദേശിക്കുന്നത്. തുണി സഞ്ചി ഉൾപ്പെടെ 15 ഇനം സാധനങ്ങളാണ് ഈ കിറ്റുകളിൽ ഉൾപ്പെടുന്നത്.വിലക്കയറ്റം പിടിച്ചുനിർത്താൻ സമഗ്ര ഇടപെടൽഓണക്കിറ്റുകൾക്ക് പുറമെ, അവശ്യസാധനങ്ങളുടെ വിലക്കയറ്റം നിയന്ത്രിക്കാൻ കൃത്യമായ വിപണി ഇടപെടലുകളുമായി സപ്ലൈകോ രംഗത്തുണ്ട്.

ഓണത്തോടനുബന്ധിച്ച് എല്ലാ ജില്ലാ കേന്ദ്രങ്ങളിലും 10 ദിവസം നീണ്ടുനിൽക്കുന്ന ഓണം മെഗാഫെയറുകളും 140 നിയമസഭാ മണ്ഡലങ്ങളിൽ അഞ്ചുദിവസം നീണ്ടുനിൽക്കുന്ന ഫെയറുകളും സംഘടിപ്പിക്കും. സംസ്ഥാനതല ഓണം ഫെയർ ഓഗസ്റ്റ് 25-ന് തിരുവനന്തപുരം പുത്തരിക്കണ്ടം മൈതാനത്ത് മുഖ്യമന്ത്രി പിണറായി വിജയൻ ഉദ്ഘാടനം ചെയ്യും.സഞ്ചരിക്കുന്ന ഓണച്ചന്തകളും പ്രത്യേക അരി വിതരണവുംവിപണി ഇടപെടൽ കൂടുതൽ ഫലപ്രദമാക്കുന്നതിനായി, ഓഗസ്റ്റ് 25 മുതൽ സംസ്ഥാനത്തെ എല്ലാ നിയമസഭാ മണ്ഡലങ്ങളിലും സഞ്ചരിക്കുന്ന ഓണച്ചന്തകൾ സപ്ലൈകോ സംഘടിപ്പിക്കും.

അരിയും ഭക്ഷ്യവസ്തുക്കളും ബ്രാൻഡഡ് ഉത്പന്നങ്ങളും ഉൾപ്രദേശങ്ങളിലടക്കം ന്യായവിലയ്ക്ക് എത്തിക്കാൻ ഇത് സഹായിക്കും.നിലവിൽ സബ്സിഡി നിരക്കിൽ 8 കിലോ അരി സപ്ലൈകോയിലൂടെ വിതരണം ചെയ്യുന്നുണ്ട്. ഇതിനു പുറമെ, ഓണക്കാലത്ത് ഓരോ കാർഡിനും 20 കിലോ പച്ചരിയോ/പുഴുക്കലരിയോ 25 രൂപ നിരക്കിൽ പ്രത്യേക അരിയായി ലഭ്യമാക്കും.

വെളിച്ചെണ്ണയുടെ വില നിയന്ത്രിക്കാൻ നടപടികൾവെളിച്ചെണ്ണയ്ക്ക് വില കൂടിയ സാഹചര്യത്തിൽ, സാധാരണക്കാർക്ക് മിതമായ വിലയ്ക്ക് വെളിച്ചെണ്ണ ലഭ്യമാക്കാൻ സപ്ലൈകോ നടപടികൾ സ്വീകരിച്ചിട്ടുണ്ട്. പുതിയ ടെൻഡർ വിളിച്ച് വിതരണക്കാരുമായി ധാരണയിലെത്തിയിട്ടുണ്ട്. ഓണക്കാലത്ത് ശബരി ബ്രാൻഡിൽ സബ്സിഡിയായും നോൺ-സബ്സിഡിയായും വെളിച്ചെണ്ണ വിതരണം ചെയ്യും.

സബ്സിഡി വെളിച്ചെണ്ണ ലിറ്ററിന് 349 രൂപയിലും അര ലിറ്റർ പായ്ക്കറ്റിന് 179 രൂപയിലും, സബ്സിഡിയില്ലാത്ത വെളിച്ചെണ്ണ 429 രൂപയിലും അര ലിറ്ററിന് 219 രൂപയിലും അധികരിക്കാതെ ലഭ്യമാക്കും. മറ്റ് ബ്രാൻഡുകളുടെ വെളിച്ചെണ്ണയും എം.ആർ.പി.യേക്കാൾ കുറഞ്ഞ വിലയ്ക്ക് സപ്ലൈകോ ഔട്ട്‌ലെറ്റുകളിൽ ലഭിക്കും