ക്ഷാമബത്ത 3 ശതമാനം! 37 മാസത്തെ കുടിശിക ലഭിക്കുമോ? ഇന്നറിയാം
ക്ഷാമബത്തക്ക് കുടിശിക കിട്ടുമോ? ഇന്നറിയാം. സർക്കാർ ജീവനക്കാർക്കും പെൻഷൻകാർക്കും 3 ശതമാനം ക്ഷാമബത്തയും ക്ഷാമ ആശ്വാസവും ധനമന്ത്രി കെ .എൻ . ബാലഗോപാൽ പ്രഖ്യാപിച്ചിരുന്നു. സെപ്റ്റംബറിൽ വിതരണം ചെയ്യുന്ന ശമ്പളത്തോടും പെൻഷനോടൊപ്പം പുതിയ ക്ഷാമബത്തയും ക്ഷാമ ആശ്വാസവും ലഭിക്കും. 2022 ജൂലൈ പ്രാബല്യത്തിലെ 3 ശതമാനം ക്ഷാമബത്തയാണ് പ്രഖ്യാപിച്ചത്.
2022 ജൂലൈ മുതൽ 2025 ജൂലൈ വരെയുള്ള 37 മാസത്തെ കുടിശികയ്ക്ക് ജീവനക്കാർക്കും പെൻഷൻകാർക്കും അർഹതയുണ്ട്.
ക്ഷാമബത്ത ഉത്തരവ് ഇന്ന് ധനവകുപ്പിൽ നിന്ന് ഇറങ്ങും. 37 മാസത്തെ കുടിശിക ലഭിക്കുമോയെന്ന് ഉത്തരവ് ഇറങ്ങുമ്പോൾ അറിയാം.
കെ.എൻ. ബാലഗോപാൽ ധനമന്ത്രിയായതിന് ശേഷം പ്രഖ്യാപിച്ച 3 ഗഡു ക്ഷാമബത്തയ്ക്കും കുടിശിക അനുവദിച്ചിരുന്നില്ല. അതേ സമയം ഐ എ എസ് , ഐപിഎസ് അടക്കമുള്ള ആൾ ഇന്ത്യ സിവിൽ സർവീസ് ഉദ്യോഗസ്ഥർക്കും ജുഡിഷ്യൽ ഓഫീസർമാർക്കും പി.എസ് സി ചെയർമാനും അംഗങ്ങൾക്കും ക്ഷാമബത്ത അനുവദിക്കുമ്പോൾ ബാലഗോപാൽ കുടിശികയും അനുവദിക്കും. ഇവർക്ക് പണമായി കുടിശിക നൽകുന്ന രീതിയാണ് ബാലഗോപാലിൻ്റേത്. ക്ഷാമബത്ത കുടിശികയിൽ ഇരട്ട നീതിയാണ് ബാലഗോപാലിൻ്റേതെന്ന ആക്ഷേപം ശക്തമാണ്.
