പ്രവാസി സംരംഭകർക്ക് വഴികാട്ടിയായി നോർക്ക; സംരംഭകത്വ പരിശീലനം, ഇപ്പോൾ അപേക്ഷിക്കാം
തിരുവനന്തപുരം: പ്രവാസികൾക്കും നാട്ടിൽ തിരിച്ചെത്തിയ പ്രവാസികൾക്കുമായി നോർക്ക റൂട്ട്സ് സൗജന്യ സംരംഭകത്വ പരിശീലനം സംഘടിപ്പിക്കുന്നു. നോർക്ക ബിസിനസ് ഫെസിലിറ്റേഷൻ സെന്ററിന്റെ (എൻ.ബി.എഫ്.സി) ആഭിമുഖ്യത്തിൽ നടക്കുന്ന ത്രിദിന റെസിഡൻഷ്യൽ പരിശീലനത്തിലേക്ക് ഇപ്പോൾ അപേക്ഷിക്കാം.
പരിശീലനം എവിടെ, എപ്പോൾ?
സ്ഥലം: കളമശ്ശേരിയിലെ കേരള ഇൻസ്റ്റിറ്റ്യൂട്ട് ഫോർ എന്റർപ്രണർഷിപ്പ് ഡെവലപ്പ്‌മെന്റ് (KIED) ക്യാമ്പസ്. തീയതി: ജൂലൈ 15 മുതൽ 17 വരെ.
ആർക്കൊക്കെ പങ്കെടുക്കാം?
പുതിയ സംരംഭങ്ങൾ തുടങ്ങാൻ നടപടി സ്വീകരിച്ചവർക്കും, നിലവിൽ സംരംഭം നടത്തുന്ന പ്രവാസികൾക്കുമാണ് പരിശീലനത്തിൽ പ്രവേശനം ലഭിക്കുക. സ്വന്തമായി ഒരു ബിസിനസ്സ് എന്ന സ്വപ്നം യാഥാർത്ഥ്യമാക്കാൻ ആഗ്രഹിക്കുന്നവർക്ക് ഇതൊരു സുവർണ്ണാവസരമാണ്.
അപേക്ഷിക്കേണ്ട വിധം
പരിശീലനത്തിൽ പങ്കെടുക്കാൻ ആഗ്രഹിക്കുന്നവർ ജൂലൈ 10-നകം പേര് രജിസ്റ്റർ ചെയ്യണം. രജിസ്റ്റർ ചെയ്യുന്നതിനായി താഴെ പറയുന്ന നമ്പറുകളിലോ ഇ-മെയിൽ വിലാസത്തിലോ ബന്ധപ്പെടുക:
- ഫോൺ:
0471-2770534/+918592958677(പ്രവൃത്തി ദിനങ്ങളിൽ, ഓഫീസ് സമയത്ത് മാത്രം) - ഇ-മെയിൽ:
nbfc.coordinator@gmail.com
എല്ലാ മാസവും മൂന്നാമത്തെ ആഴ്ചയിൽ പ്രവാസികൾക്കായി നോർക്ക ത്രിദിന സൗജന്യ സംരംഭകത്വ പരിശീലനം സംഘടിപ്പിക്കാറുണ്ട്. കൂടുതൽ വിവരങ്ങൾക്കായി 24 മണിക്കൂറും പ്രവർത്തിക്കുന്ന നോർക്ക ഗ്ലോബൽ കോൺടാക്ട് സെന്ററിന്റെ ടോൾ ഫ്രീ നമ്പറുകളായ 1800 425 3939 (ഇന്ത്യയിൽ നിന്നും) +91-8802012345 (വിദേശത്തുനിന്നും, മിസ്ഡ് കോൾ സർവ്വീസ്) എന്നിവയിൽ ബന്ധപ്പെടാവുന്നതാണ്.
