തിരുവനന്തപുരത്ത് മെഗാ ജോബ് ഡ്രൈവ്; ബാങ്ക് മാനേജർ മുതൽ ടെക്നീഷ്യൻ വരെ നിരവധി അവസരങ്ങൾ
തിരുവനന്തപുരം: തലസ്ഥാനത്ത് തൊഴിൽ തേടുന്നവർക്ക് സുവർണ്ണാവസരം. ജില്ലാ എംപ്ലോയബിലിറ്റി സെന്ററിന്റെ ആഭിമുഖ്യത്തിൽ പ്രമുഖ സ്വകാര്യ സ്ഥാപനങ്ങളിലെ നിരവധി ഒഴിവുകളിലേക്ക് ഈ വെള്ളിയാഴ്ച (ജൂൺ 27) അഭിമുഖം നടത്തുന്നു. രാവിലെ 10 മണിക്കാണ് അഭിമുഖം ആരംഭിക്കുന്നത്.
ഒഴിവുള്ള തസ്തികകൾ
മാനേജർ തസ്തികകൾ മുതൽ ടെക്നീഷ്യൻ തസ്തികകൾ വരെ വിവിധ യോഗ്യതയുള്ളവർക്കായി അവസരങ്ങളുണ്ട്. പ്രധാന ഒഴിവുകൾ താഴെ പറയുന്നവയാണ്:
- കസ്റ്റമർ റിലേഷൻഷിപ്പ് ഓഫീസർ/ മാനേജർ/ സീനിയർ മാനേജർ
- അസിസ്റ്റന്റ് ബ്രാഞ്ച് മാനേജർ
- ബ്രാഞ്ച് മാനേജർ/ സീനിയർ ബ്രാഞ്ച് മാനേജർ
- സെയിൽസ് എക്സിക്യൂട്ടീവ്
- സീനിയർ ടെക്നീഷ്യൻ
- ജൂനിയർ ടെക്നീഷ്യൻ
ആർക്കൊക്കെ പങ്കെടുക്കാം?
40 വയസ്സിൽ താഴെ പ്രായമുള്ള, യോഗ്യരായ ആർക്കും അഭിമുഖത്തിൽ പങ്കെടുക്കാം. മുൻപരിചയമുള്ളവർക്കും ഇല്ലാത്തവർക്കും (ഫ്രഷേഴ്സ്) അവസരമുണ്ട്.
അഭിമുഖത്തിൽ പങ്കെടുക്കാൻ താല്പര്യമുള്ളവർ ജൂൺ 27-ന് രാവിലെ 10 മണിക്ക് തിരുവനന്തപുരം ജില്ലാ എംപ്ലോയബിലിറ്റി സെന്ററിൽ നേരിട്ടെത്തി രജിസ്റ്റർ ചെയ്യണം. പങ്കെടുക്കാൻ എത്തുമ്പോൾ, യോഗ്യതയും വയസ്സും തെളിയിക്കുന്ന അസ്സൽ സർട്ടിഫിക്കറ്റുകൾ കയ്യിൽ കരുതേണ്ടതാണ്.
കൂടുതൽ വിവരങ്ങൾക്ക് ഈ നമ്പറിൽ ബന്ധപ്പെടുക: 8921916220.
