ഇറാനിയൻ വാർത്താ ചാനലിന് നേരെ ഇസ്രായേൽ ആക്രമണം; തത്സമയ സംപ്രേക്ഷണത്തിനിടെ വൻ സ്‌ഫോടനം

ടെഹ്റാൻ: ഇറാനിലെ ഔദ്യോഗിക വാർത്താ ചാനലായ ഐആർഐഎൻഎൻ-ന്റെ (IRINN) സ്റ്റുഡിയോ സമുച്ചയത്തിൽ ഇസ്രായേൽ ആക്രമണം. തിങ്കളാഴ്ച ചാനൽ തത്സമയ വാർത്താ സംപ്രേക്ഷണം നടത്തുന്നതിനിടെയാണ് ആക്രമണമുണ്ടായത്. വാർത്താ അവതാരക സംസാരിക്കുന്നതിനിടെ തൊട്ടടുത്ത് വലിയ സ്‌ഫോടന ശബ്ദം കേൾക്കുന്നതിന്റെ ദൃശ്യങ്ങൾ പുറത്തുവന്നു.

തത്സമയ സംപ്രേക്ഷണത്തിന്റെ വീഡിയോയിൽ, അവതാരക വാർത്തകൾ വിശദീകരിക്കുന്നതിനിടെ പെട്ടെന്ന് ഒരു വലിയ സ്‌ഫോടന ശബ്ദം കേൾക്കുകയും സ്റ്റുഡിയോ കുലുങ്ങുകയും ചെയ്യുന്നത് കാണാം. അപ്രതീക്ഷിത സംഭവത്തിൽ അവതാരകൻ ഞെട്ടിത്തരിക്കുന്നതും ദൃശ്യങ്ങളിൽ വ്യക്തമാണ്. ഇതിന് പിന്നാലെ സംപ്രേക്ഷണം തടസ്സപ്പെട്ടു.