ആരോഗ്യവകുപ്പിന്റെ 295.06 കോടിയുടെ പദ്ധതികൾ വെട്ടിക്കുറച്ച് ബാലഗോപാൽ

ആരോഗ്യ വകുപ്പിൻ്റെ പദ്ധതികൾ വ്യാപകമായി വെട്ടിക്കുറച്ച് ധനമന്ത്രി കെ.എൻ ബാലഗോപാൽ. 295.06 കോടിയുടെ പദ്ധതികൾ ബാലഗോപാൽ വെട്ടിക്കുറച്ചെന്ന് ആരോഗ്യ മന്ത്രി വീണ ജോർജ് നിയമസഭയിൽ വ്യക്തമാക്കിയിരുന്നു. ആരോഗ്യ വകുപ്പിലെ പദ്ധതി വിഹിതം സംബന്ധിച്ച് മാർച്ച് 3 ന് കെ.ബാബു എം എൽ എ നിയമസഭയിൽ ചോദ്യം ഉന്നയിച്ചിരുന്നു. ഇതിൻ്റെ മറുപടിയിലാണ് ബാലഗോപാൽ വെട്ടിക്കുറച്ച തുകയുടെ വിശദാംശങ്ങൾ വീണ ജോർജ് വെളിപ്പെടുത്തിയത്.

വെട്ടിക്കുറച്ച പ്രധാന പദ്ധതികൾ ചുവടെ

• തിരുവനന്തപുരം റീജിയണൽ ക്യാൻസർ സെൻ്ററിൻ്റെ പദ്ധതി വിഹിതം 73 കോടിയായിരുന്നു. ഇത് 36. 50 കോടിയായി കുറച്ചു.
• മലബാർ ക്യാൻസർ സെൻ്ററിൻ്റെ പദ്ധതി വിഹിതം 28 കോടിയായിരുന്നത് 14 കോടിയായി വെട്ടി കുറച്ചു
• കൊച്ചിൻ ക്യാൻസർ റിസർച്ച് സെൻ്ററിൻ്റെ പദ്ധതി വിഹിതം 14.50 കോടിയായിരുന്നത് 9.30 കോടിയായി വെട്ടിക്കുറച്ചു.
• തിരുവനന്തപുരം മെഡിക്കൽ കോളേജിലെ ശിശുവികസന സെൻ്ററിന് പദ്ധതി വിഹിതം 2.58 കോടി ആയിരുന്നത് 1.88 കോടിയായി വെട്ടിക്കുറച്ചു.
• ഇംഹാൻസിൻ്റെ പദ്ധതി വിഹിതം 3 .60 കോടിയായിരുന്നത് 1.80 കോടിയായി വെട്ടി കുറച്ചു
• 11.50 കോടിയായിരുന്നു കേരള ആരോഗ്യ സർവ്വകലാശാലയുടെ പദ്ധതി വിഹിതം. ഇത് 8.56 കോടിയായി വെട്ടിക്കുറച്ചു.
• ഇ-ഹെൽത്ത് പ്രോഗാമിന് 27.60 കോടിയായിരുന്നു പദ്ധതി വിഹിതം. ഇത് 13.80 കോടിയായി വെട്ടിക്കുറച്ചു.
• ലഹരി വിമുക്ത കേന്ദ്രങ്ങൾക്ക് 1 കോടി പദ്ധതി വിഹിതം ഉണ്ടായിരുന്നത് 20 ലക്ഷമാക്കി വെട്ടി കുറച്ചു
• അർബുദ രോഗ പരിചരണ പരിപാടിക്ക് 2.50 കോടിയായിരുന്നു പദ്ധതി വിഹിതം. ഇത് 1.73 കോടിയായി വെട്ടിക്കുറച്ചു.
• സാംക്രമിക രോഗങ്ങളുടെ നിയന്ത്രണത്തിന് പദ്ധതി വിഹിതം 12 കോടി ആയിരുന്നു. ഇത് 8.96 കോടിയായി വെട്ടിക്കുറച്ചു.
• പകർച്ച വ്യാധികളല്ലാത്ത രോഗങ്ങളുടെ നിയന്ത്രണത്തിന് 11.93 കോടി പദ്ധതി വിഹിതം ഉണ്ടായിരുന്നത് 4.87 കോടിയായി വെട്ടി കുറച്ചു.
• തിരുവനന്തപുരം മാനസികാരോഗ്യ കേന്ദ്രത്തിന് 3 കോടിയായിരുന്നു പദ്ധതി വിഹിതം. ഇത് 1.96 കോടിയായി വെട്ടിക്കുറച്ചു.
• ജില്ലാ ആശുപത്രികളിലെ പെയ്ൻ ആൻ്റ് പാലിയേറ്റിവ് കെയർ സെൻ്ററിന് 2 കോടിയായിരുന്നു പദ്ധതി വിഹിതം. ഇത് 96 ലക്ഷമായി വെട്ടിക്കുറച്ചു.
• മെഡിക്കൽ കോളേജുകളിലെ പെയിൻ & പാലിയേറ്റിവ് കെയർ കേന്ദ്രങ്ങൾക്ക് 1 കോടി പദ്ധതി വിഹിതം ഉണ്ടായിരുന്നു. ഇത് പൂർണ്ണമായും വെട്ടിക്കുറച്ചു.
• സർക്കാർ മെഡിക്കൽ കോളേജുകളിൽ സ്റ്റെം സെൽ , മജ്ജ മാറ്റി വയ്ക്കലിന് 1.50 കോടി പദ്ധതി വിഹിതം ഉണ്ടായിരുന്നു. ഇത് പൂർണ്ണമായും വെട്ടിക്കുറച്ചു.
• സർക്കാർ മെഡിക്കൽ കോളേജുകളിൽ സർജിക്കൽ റോബോട്ട് സ്ഥാപിക്കൽ 29 കോടി പദ്ധതി വിഹിതം ഉണ്ടായിരുന്നു. ഇത് പൂർണ്ണമായും വെട്ടിക്കുറച്ചു.