സ്വര്‍ണവില: ഗ്രാമിന് പത്ത് രൂപ കുറഞ്ഞു! പവന് 65000 ന് മുകളില്‍ തന്നെ
കേരളത്തില്‍ സ്വര്‍ണവില ഉയർന്നു തന്നെ തുടരുന്നു. ഇന്നലെ 65,000 രൂപയും കടന്ന് പുതിയ ഉയരം കുറിച്ച സ്വർണവില ഇന്ന് പവന് 80രൂപ കുറഞ്ഞു. 65,760 രൂപയാണ് ഒരു പവന് സ്വര്‍ണത്തിന്റെ വില. ഇന്നലെ പവന് ഒറ്റയടിക്ക് 880 രൂപയാണ് വർധിച്ചത്.
ഒരു ഗ്രാം സ്വര്‍ണത്തിന്റെ വില 8220/- രൂപയായി. ഈ മാസത്തിന്റെ തുടക്കത്തില്‍ 63,520 രൂപയായിരുന്നു ഒരു പവന് സ്വര്‍ണത്തിന്റെ വില. പിന്നീടുള്ള ദിവസങ്ങളിലും വില ഉയരുകയായിരുന്നു. ഓഹരി വിപണിയിലെ ചലനങ്ങളും രാജ്യാന്തര വിപണിയിലെ മാറ്റങ്ങളുമാണ് വിപണിയില്‍ പ്രതിഫലിക്കുന്നത്.
പണിക്കൂലി ഉൾപ്പെടെ വില
സ്വർണത്തിന് 3 ശതമാനമാണ് ജി.എസ്.ടി. ഹോൾമാർക്ക് ഫീസ് 45 രൂപയും അതിന്റെ 18 ശതമാനവും, അതായത് 53.10 രൂപ. പുറമേ പണിക്കൂലിയും നൽകണം. ഇതു ആഭരണത്തിന്റെ ഡിസൈനിന് അനുസരിച്ച് 3 മുതൽ 30 ശതമാനം വരെയാകാം. പണിക്കൂലി 5% കണക്കാക്കിയാൽ തന്നെ ഇന്ന് കേരളത്തിൽ ഒരു പവൻ ആഭരണം വാങ്ങാൻ 71,181 രൂപയാണ് വില.
സ്വർണ്ണത്തിന്റെ ചെലവ് കുതിച്ചുയർന്ന് നില്‍ക്കുന്നത് ഉപഭോക്താക്കളെയും വ്യാപാരികളെയും നിരാശയിലാക്കിയിരിക്കുകയാണ്. ചെലുകിട വ്യാപാരത്തെ വില വർധനവ് ബാധിക്കുന്നുണ്ട്.
