മുഖ്യമന്ത്രിയായി പിണറായി വിജയൻ 2016 ൽ അധികാരത്തിൽ എത്തിയതിന് ശേഷം കാട്ടാന ആക്രമണത്തിൽ 192 പേരും കടുവ ആക്രമണത്തിൽ 6 പേരും കൊല്ലപ്പെട്ടെന്ന് വനം മന്ത്രി എ.കെ. ശശീന്ദ്രൻ.
കടുവ ആക്രമണത്തിൽ പത്ത് പേർക്ക് പരിക്ക് പറ്റിയെന്നും മന്ത്രി പറഞ്ഞു. കടുവ ആക്രമണത്തിൽ മരണപ്പെട്ട 5 പേർ വയനാട് ജില്ലയിലാണ്. ഒരാൾ പാലക്കാടും മരിച്ചു.
കടുവ ആക്രമണത്തിൽ പരുക്ക് പറ്റിയ 9 പേർ വയനാട് ജില്ലയിലാണ്. ഒരാൾ കോഴിക്കോട് ജില്ലയിലും.
ഇക്കാലയളവിൽ കാട്ടാന ആക്രമണത്തിൽ 192 പേർ മരണപ്പെട്ടെന്നും 278 പേർക്ക് പരിക്കേറ്റെന്നും മന്ത്രി വെളിപ്പെടുത്തി.
