ബജറ്റിൽ ശമ്പളപരിഷ്കരണ കമ്മീഷനെ പ്രഖ്യാപിക്കില്ല. ബജറ്റിന് മുന്നോടിയായി മീഡിയ വൺ ചാനലിനോട് സംസാരിക്കുമ്പോഴാണ് കെ.എൻ. ബാലഗോപാൽ ഇത് സംബന്ധിച്ച് സൂചന നൽകിയത്.
ശമ്പള പരിഷ്കരണ കമ്മീഷനെ ബജറ്റിൽ പ്രഖ്യാപിക്കുന്ന പതിവില്ല എന്നായിരുന്നു ഇത് സംബന്ധിച്ച ചോദ്യത്തിന് ധനമന്ത്രിയുടെ മറുപടി.ഫെബ്രുവരി 7 നാണ് ബാലഗോപാലിൻ്റെ ബജറ്റ് . 1-7-24 മുതൽ പന്ത്രണ്ടാം ശമ്പള പരിഷ്കരണത്തിൻ്റെ പ്രാബല്യം ജീവനക്കാർക്കും പെൻഷൻകാർക്കും ലഭിക്കാനുണ്ട്.
കേന്ദ്രത്തിൽ ശമ്പള പരിഷ്കരണ കമ്മീഷനെ ബജറ്റിന് മുൻപ് പ്രഖ്യാപിച്ചിരുന്നു. അതുകൊണ്ട് തന്നെ ബജറ്റിൽ നിർമല സീതാരാമൻ ശമ്പള പരിഷ്കരണ കമ്മീഷൻ്റെ കാര്യം പരാമർശിച്ചിരുന്നില്ല. നിർമലയുടെ ശൈലി കടം എടുത്ത് കൊണ്ടാവാം ബജറ്റിൽ ശമ്പള പരിഷ്കരണ കമ്മീഷനെ പ്രഖ്യാപിക്കുന്ന പതിവില്ലെന്നുള്ള ബാലഗോപാലിൻ്റെ മറുപടി.
കേരളത്തിൽ കഴിഞ്ഞ ശമ്പള പരിഷ്കരണത്തിൻ്റെ കുടിശിക പോലും ഇതുവരെ കൊടുത്തിട്ടില്ല. 7000 കോടിയാണ് കുടിശിക കൊടുക്കാൻ വേണ്ടത്.
കഴിഞ്ഞ ശമ്പള പരിഷ്കരണത്തിൻ്റെ ഭാഗമായുള്ള ഡി.എ പരിഷ്കരണ കുടിശിക പി.എഫിൽ ലയിപ്പിച്ചെങ്കിലും അത് പിൻവലിക്കാൻ പാടില്ലെന്ന് ഉത്തരവിറക്കിയിരിക്കുകയാണ് ബാലഗോപാൽ. അഞ്ച് വർഷം കൂടുമ്പോഴാണ് കേരളത്തിൽ ശമ്പളപരിഷ്കരണം നടത്തുന്നത്. ശമ്പള പരിഷ്കരണ കമ്മീഷൻ പ്രഖ്യാപനം വൈകുന്നത് അഞ്ച് വർഷം കൂടുമ്പോഴുള്ള പരിഷ്കരണം അട്ടിമറിക്കാനുള്ള സർക്കാർ നീക്കം ആണെന്നാണ് പ്രതിപക്ഷ സർവീസ് സംഘടനകൾ ആരോപിക്കുന്നത്. കേരളത്തിൽ ഇതുവരെ നടന്ന പേ റിവിഷൻ കമ്മീഷൻ ചുവടെ:
- ഒന്നാം പേ റിവിഷൻ 1965
- രണ്ടാം പേ റിവിഷൻ 1968
- 1973 കേന്ദ്ര സമാനമായ പരിഷ്കരണം നടപ്പിലാക്കി ഇടക്കാല ഉത്തരവ്
- മൂന്നാം പേ റിവിഷൻ 1978
- നാലാം പേ റിവിഷൻ 1983
- അഞ്ചാം പേ റിവിഷൻ 1987
- ആറാം പേ റിവിഷൻ 1992
- ഏഴാം പേ റിവിഷൻ 1997
- എട്ടാം പേ റിവിഷൻ 2003
- ഒൻപതാം പേ റിവിഷൻ 2009
- പത്താം പേ റിവിഷൻ 2014
- പതിനൊന്നാം പേ റിവിഷൻ 2019
ബലെ ഭേഷ്… ജീവനക്കാർക്ക് ഒന്നും കൊടുക്കേണ്ട.
നമുക്കുള്ളത് അർഭാടമായി തുടരട്ടെ.
ജനസേവന മന്ത്രിമാർ.
മന്ത്രിമാരെ കുറയ്ക്കാൻ തയാറാണോ… ജന സേവന നേതാക്കാളേ…..