“ഹനുമാനാകാൻ” റിഷബ് ഷെട്ടി ; ജയ് ഹനുമാന്റെ ഫസ്റ്റ് ലുക്ക് പോസ്റ്റർ പുറത്ത്

റിഷബ് ഷെട്ടി നായകനാകുന്ന പാൻ ഇന്ത്യൻ ചിത്രം ജയ് ഹനുമാന്റെ ഫസ്റ്റ് ലുക്ക് പോസ്റ്റർ പുറത്ത്. കൈയ്യില്‍ ശ്രീരാമ വിഗ്രഹം ആദരവോടെ പിടിച്ചിരിക്കുന്ന ഹനുമാന്‍ എന്ന കഥാപാത്രമായിട്ടാണ് റിഷബ് ഷെട്ടിയെ പോസ്റ്ററില്‍ കാണാൻ സാധിക്കുക. പ്രശാന്ത് വര്‍മ സിനിമാറ്റിക് യൂണിവേഴ്‌സിന്റെ ഭാഗമായ ജയ് ഹനുമാൻ ‘ഹനുമാന്‍’ എന്ന ചിത്രത്തിന്റെ രണ്ടാം ഭാഗമാണ്.

ആദ്യ ഭാഗത്തേക്കാൾ വമ്പൻ ബജറ്റിലാണ് ചിത്രം ഒരുങ്ങുന്നതെന്നാണ് വിവരം. മൈത്രി മൂവി മേക്കേഴ്സ് ആണ് ജയ് ഹനുമാന്‍ നിർമിക്കുന്നത്. അതേസമയം, ചിത്രത്തിലെ മറ്റു താരങ്ങളുടെ വിവരങ്ങൾ ഇതുവരെ പുറത്തുവിട്ടിട്ടില്ല. 40 കോടി ബജറ്റിൽ നിർമിച്ച ആദ്യ ഭാഗമായ ഹനുമാന്‍ 350 കോടിയോളം ബോക്‌സ് ഓഫീസില്‍ നിന്ന് നേടിയിരുന്നു. അതിനാൽ ജയ് ഹനുമാൻ അതിനെയും മറികടക്കുമെന്നാണ് പ്രതീക്ഷ.