Technology
മൂന്ന് മാസത്തെ സൗജന്യ സബ്‌സ്‌ക്രിപ്ഷനുമായി ജിയോ സാവന്‍
ഉത്സവകാലം ആഘോഷമാക്കാന്‍ വീണ്ടും വന്‍ ഓഫറുകളുമായി ജിയോ എത്തുന്നു. ജിയോ പ്ലാറ്റ്ഫോമിന്റെ ഉടമസ്ഥതയിലുള്ള മ്യൂസിക് സ്ട്രീമിംഗ് പ്ലാറ്റ്ഫോമായ ജിയോസാവനാണ് ഉത്സവ സീസണിന് മുന്നോടിയായി ഒരു ഓഫര്‍ അവതരിപ്പിച്ചിരിക്കുന്നത്. ഉപയോക്താക്കള്‍ക്ക് മൂന്ന് മാസത്തെ സൗജന്യ ജിയോ സാവന്‍ പ്രോ സബ്സ്ക്രിപ്ഷന് നേടാനാകും, ഇത് പരസ്യമില്ലാതെ സംഗീതം സ്ട്രീം ചെയ്യാനും ഉയര്‍ന്ന നിലവാരത്തില്‍ തന്നെ പരിധിയില്ലാതെ ഡൗണ്‍ലോഡുകള്‍ ആസ്വദിക്കാനുമാകും.
ആന്‍ഡ്രോയിഡ്, ഐഒസ്, ജിയോ ഫോണ്‍, വെബ് എന്നിങ്ങനെ പല ഉപകരണങ്ങളിലും പ്ലാറ്റ്ഫോമുകളിലും ഈ സബ്സ്ക്രിപ്ഷന് ഉപയോഗിക്കാം. പ്രതിമാസം 89 രൂപ മുതലാണ് ഇത് ആരംഭിക്കുന്നത്. വിദ്യാര്‍ത്ഥികള്‍ക്ക് സ്റ്റുഡന്റ് പ്ലാന്‍ പ്രയോജനപ്പെടുത്താം. വ്യക്തിഗത പ്ലാനുകള്‍ക്ക് പുറമേ, ഡ്യുവോ, ഫാമിലി പ്ലാനുകളും ജിയോസാവന്‍ വാഗ്ദാനം ചെയ്യുന്നു.
