പതിമൂന്ന് കൊല്ലങ്ങൾക്ക് ശേഷം രാജ്യത്ത് സെൻസസ് നടത്താനൊരുങ്ങി കേന്ദ്രസർക്കാർ. അടുത്ത വർഷം ആരംഭിച്ച്, 2026-ഓടെ, ഈ പ്രക്രിയ പൂർത്തീകരിക്കാനും സർക്കാർ നടപടികൾ തുടങ്ങി കഴിഞ്ഞു. ഇത് കൂടാതെ, ജാതി കണക്കെടുപ്പ് പരിശീലനത്തിൻ്റെ ഭാഗമാകുമോ എന്നതിനെക്കുറിച്ചുള്ള നിർദേശങ്ങളും സ്വീകരിച്ചു.
സെൻസസ് പൂർത്തിയാകുന്നതോടെ നിയോജക മണ്ഡലങ്ങളുടെ പുനർനിർമ്മാണത്തിനായി സർക്കാർ അതിർത്തി നിർണയവുമായി (ഡീലിമിറ്റേഷൻ) മുന്നോട്ട് പോകും. തുടർന്ന് വനിതാ സംവരണവും നടപ്പാക്കുമെന്ന് വൃത്തങ്ങൾ അറിയിച്ചു. ഈ രണ്ട് പ്രക്രിയകളും സെൻസസുമായി ബന്ധപ്പെട്ടിരിക്കുന്നതയാണ് റിപോർട്ടുകൾ പറയുന്നത്.
2002ൽ അടൽ ബിഹാരി വാജ്‌പേയിയുടെ നേതൃത്വത്തിലുള്ള അന്നത്തെ എൻഡിഎ സർക്കാർ 84-ാം ഭേദഗതിയിലൂടെ ഡീലിമിറ്റേഷൻ 25 വർഷം വൈകിപ്പിക്കുകയും, 2026-ന് ശേഷം നടത്തുന്ന ആദ്യത്തെ സെൻസസിൻ്റെ പ്രസക്തമായ കണക്കുകൾ പ്രസിദ്ധീകരിച്ചതിന് ശേഷം മാത്രമേ, ഇത് നടപ്പിലാക്കൂ എന്ന് പറഞ്ഞിരുന്നു.
അതായത്, 2031 ലെ സെൻസസിന് ശേഷം ഡീലിമിറ്റേഷൻ നടത്തണം എന്നാണ് ഇതിനർത്ഥം. എന്നാൽ , 2027-ഓടെ ഡീലിമിറ്റേഷൻ പ്രക്രിയ ആരംഭിച്ച് ഒരു വർഷത്തിനുള്ളിൽ അത് പൂർത്തിയാക്കാനാണ് കേന്ദ്രം ഇപ്പോൾ പദ്ധതിയിടുന്നത്. ഇതിലൂടെ, ഡീലിമിറ്റേഷനും, വനിതാ സംവരണ ബിൽ നടപ്പിലാക്കിയതിനു ശേഷം 2029 -ൽ അടുത്ത ലോക്സഭാ തിരഞ്ഞെടുപ്പ് നടത്താനാണ് ഉദ്ദേശിക്കുന്നത്.
ഇതിന്റെ ഭാഗമായി, അടുത്തിടെ, ഇന്ത്യയുടെ രജിസ്ട്രാർ ജനറലും, സെൻസസ് കമ്മീഷണറുമായ മൃത്യുഞ്ജയ് കുമാർ നാരായൻ്റെ കാലാവധി ഈ ഡിസംബർ വരെ ആയിരുന്നെങ്കിലും ഇപ്പോൾ 2026 ഓഗസ്റ്റ് വരെ നീട്ടിയിരുന്നു. സെൻസസിൽ ജാതി കണക്കെടുപ്പ് ഉൾപ്പെടുത്തണമെന്ന് വിവിധ രാഷ്ട്രീയ പാർട്ടികളിൽ നിന്ന് ആവശ്യമുയർത്തിയെങ്കിലും, അതിനുള്ള ഒരു ഫോർമുല തയാറാക്കാൻ സർക്കാരിന് സാധിക്കില്ലെന്നാണ് റിപോർട്ടുകൾ സൂചിപ്പിക്കുന്നത്. ബിജെപിയുടെ സൈദ്ധാന്തിക രക്ഷിതാവായ ആർഎസ്എസും ജാതി സെൻസസ് എന്ന ആശയത്തെ പിന്തുണച്ചു രംഗത്തുവന്നിരുന്നു.
എന്നാൽ, അതെങ്ങനെ നടപ്പാക്കണമെന്നതിൽ സർക്കാരിന് വ്യക്തതയില്ലെന്ന് എന്നാണ് വൃത്തങ്ങൾ പറയുന്നത്. പട്ടികജാതി, പട്ടികവർഗം, മതം എന്നിവയുടെ നിലവിലുള്ള കണക്കുകളിലേക്ക് ഒബിസി വിഭാഗത്തെ ഉൾപ്പെടുത്താനും, ജനറൽ, എസ്‌സി, എസ്ടി വിഭാഗങ്ങളിലെ ഉപവിഭാഗങ്ങളുടെ സർവേകൾ ഉൾപ്പെടുത്താനും നിർദേശത്തിൽ പറയുന്നുണ്ട്. അതിർത്തി നിർണയത്തിൽ അതിന്റെതായ പ്രശ്നങ്ങൾ ഉണ്ടാകുമെന്നും, ജനസാന്ദ്രത കൂടുതലുള്ള സംസ്ഥാനങ്ങൾ മൂലം ഉത്തരേന്ത്യയിൽ നിന്നുള്ള അസമമായ സീറ്റുകൾ ഉള്ള പാർലമെൻ്റിൽ, രാഷ്ട്രീയ വിഹിതത്തെ ബാധിക്കുമോയെന്ന് ആശങ്കയിലാണ് ദക്ഷിണേന്ത്യയിലെ മുന്നണികൾ.
ദക്ഷിണേന്ത്യയിലെ വിവിധ സംസ്ഥാന സർക്കാരുകൾ ഈ ആശങ്ക പരസ്യമായി ഉന്നയിച്ചു. ഇതിന്റെ മുന്നോടിയായി, ആന്ധ്രാപ്രദേശ് മുഖ്യമന്ത്രിയും ബിജെപിയുടെ പ്രധാന സഖ്യകക്ഷിയായ ടിഡിപിയുടെ നേതാവും, ജനസംഖ്യയുടെ പ്രത്യാഘാതങ്ങൾ നികത്തുന്നതിന് വേണ്ടി കൂടുതൽ കുട്ടികളുണ്ടാകാൻ സംസ്ഥാനത്തെ ജനങ്ങളെ പ്രോത്സാഹിപ്പിച്ചു.
എന്നാൽ , ഈ ആശങ്കയെക്കുറിച്ച് തങ്ങൾക്ക് അറിയാമെന്നും ജനസംഖ്യാ നിയന്ത്രണത്തിലും മറ്റ് സാമൂഹിക സംഭവവികാസങ്ങളിലും നേരിയ പുരോഗതി കൈവരിച്ച ദക്ഷിണേന്ത്യൻ സംസ്ഥാനങ്ങളെ നശിപ്പിക്കുന്ന ഏത് നടപടിയും ഒഴിവാക്കുമെന്നും സർക്കാർ വൃത്തങ്ങൾ അറിയിച്ചു. അതേസമയം, ഡീലിമിറ്റേഷൻ പ്രക്രിയ വടക്കും തെക്കും തമ്മിലുള്ള വിഭജനം ഉണ്ടാക്കരുതെന്ന് പ്രധാനമന്ത്രി വ്യക്തമാക്കിയാതായി ഒരു മുതിർന്ന കേന്ദ്രമന്ത്രി പറഞ്ഞു.
