റിസർവ് ബാങ്ക് ഓഫ് ഇന്ത്യയുടെ മോണിറ്ററി പോളിസി കമ്മിറ്റി (എംപിസി) സർക്കാർ പുനഃസംഘടിപ്പിച്ചു. ഒക്ടോബർ 1 ന് പുതിയ അംഗങ്ങളെ നിയമിച്ചു. ആറ് അംഗങ്ങളടങ്ങിയ കമ്മിറ്റിയിൽ മൂന്ന് പേർ സെൻട്രൽ ബാങ്കിൽ നിന്നുള്ളവരും മീതി വരുന്ന മൂന്നുപേർ എക്‌സ്‌റ്റേണൽ അംഗങ്ങളുമാണ്. ഇവരെ കേന്ദ്രസർക്കാരാണ് നിയമിക്കുന്നത്.
പുതിയ എക്‌സ്‌റ്റേണൽ അംഗങ്ങൾ
ഡൽഹി സ്കൂൾ ഓഫ് ഇക്കണോമിക്‌സ് ഡയറക്ടർ രാം സിംഗ്, എക്കണോമിസ്റ്റ് സൗഗത ഭട്ടാചാര്യ, ഇൻസ്റ്റിറ്റ്യൂട്ട് ഫോർ സ്റ്റഡീസ് ഇൻ ഇൻഡസ്ട്രിയൽ ഡെവലപ്‌മെൻ്റ് ഡയറക്ടറും ചീഫ് എക്‌സിക്യൂട്ടീവുമായ നാഗേഷ് കുമാർ എന്നിവരാണ് പുതിയ എക്‌സ്‌റ്റേണൽ അംഗങ്ങൾ.
എംപിസിയുടെ എക്‌സ് ഒഫീഷ്യോ ചെയർപേഴ്‌സൺ കൂടിയായ ഗവർണർ ശക്തികാന്ത ദാസ് ഉൾപ്പെടെയുള്ളവരാണ് സമിതിയിലെ അംഗങ്ങൾ. മറ്റ് അംഗങ്ങൾ മോണിറ്ററി പോളിസിയുടെ ചുമതലയുള്ള ഡെപ്യൂട്ടി ഗവർണർ മൈക്കൽ ദേബബ്രത പത്ര, നിലവിലെ ആർബിഐ എക്‌സിക്യൂട്ടീവ് ഡയറക്ടർ രാജീവ് രഞ്ജൻ എന്നിവരാണ്. 2016 ജൂണിലാണ് എംപിസി സ്ഥാപിതമായത്.
മുൻ അംഗങ്ങൾ ഭൂരിപക്ഷ തീരുമാനത്തിനെതിരെ വിയോജിപ്പുള്ള അഭിപ്രായങ്ങൾ പ്രകടിപ്പിച്ചതെ തുടർന്ന് കമ്മിറ്റിയുടെ പുനർനിർമ്മാണത്തിൽ എംപിസിക്കുള്ളിലെ വ്യത്യസ്ത നിലപാടുകളിൽ മാറ്റം കാണാനാകും.
ആഗസ്റ്റിലെ ധനനയത്തിൽ, ആറംഗ എംപിസി, 4:2 ഭൂരിപക്ഷത്തോടെ, തുടർച്ചയായ ഒമ്പതാം തവണയും റിപ്പോ നിരക്ക് 6.5 ശതമാനത്തിൽ ഉയർന്ന ഭക്ഷ്യവിലപ്പെരുപ്പം മാറ്റമില്ലാതെ നിർത്തിയത്,അപകടസാധ്യതയായി വിലയിരുത്തുന്നു.
വളർച്ചയുടെ ലക്ഷ്യം മനസ്സിൽ വെച്ച് വില സ്ഥിരത നിലനിർത്തുക എന്നതാണ് ആർബിഐയുടെ പണനയത്തിൻ്റെ പ്രാഥമിക ലക്ഷ്യം. സുസ്ഥിര വളർച്ചയ്ക്ക് വിലസ്ഥിരത അനിവാര്യമായ ഒരു മുൻവ്യവസ്ഥയാണ്. 2016 മെയ് ലാണ് , രാജ്യത്തിൻ്റെ ധനനയ ചട്ടക്കൂട് പ്രവർത്തിപ്പിക്കുന്നതിന് സെൻട്രൽ ബാങ്കിന് ഒരു നിയമനിർമ്മാണ ചുമതല നൽകുന്നതിനായി ആർബിഐ നിയമം ഭേദഗതി ചെയ്തു.
ഇന്ദിരാഗാന്ധി ഇൻസ്റ്റിറ്റ്യൂട്ട് ഓഫ് ഡെവലപ്‌മെൻ്റ് റിസർച്ചിലെ പ്രൊഫസർ അഷിമ ഗോയൽ, ഐഐഎം-അഹമ്മദാബാദ് പ്രൊഫസർ ജയന്ത് ആർ വർമ്മ, സീനിയർ അഡ്വൈസർ ശശാങ്ക ഭിഡെ എന്നിവരായിരുന്നു മുൻ എക്‌സ്‌റ്റേണൽ അംഗങ്ങൾ. ഗോയൽ, വർമ്മ, ഭിഡെ എന്നിവരുടെ കാലാവധി ഒക്ടോബർ നാലിന് അവസാനിക്കും. 2020 ഒക്ടോബർ 5-ന് കേന്ദ്രം ഇവരെ നിയമിച്ചത്.
