കൊച്ചി: നിയമസഭാ കൈയാങ്കളിയില്‍ യു.ഡി.എഫ് എം.എല്‍.എ മാര്‍ക്കെതിരായ കേസ് ഹൈക്കോടതി റദ്ദാക്കി. വനിതാ എം.എല്‍.എമാരെ തടഞ്ഞുവെച്ചു എന്ന പേരിലാണ് കേസ് എടുത്തിരുന്നത്. ശിവദാസന്‍ നായര്‍, എം.എ.വാഹിദ് എന്നിവര്‍ക്കെതിരെയായ കേസ് ആണ് റദ്ദാക്കിയത്.
നാട്ടിക മണ്ഡലം എം.എല്‍.എയായിരുന്ന ഗീതാ ഗോപിയാണ് യു.ഡി.എഫ് എം.എല്‍.എമാര്‍ക്കെതിരെ പരാതി നല്‍കിയിരുന്നത്. കെ.എം.മാണി ബജറ്റ് അവതരിപ്പിക്കുന്നതിനിടെയുണ്ടായ കൈയാങ്കളിക്കിടയില്‍ ശിവദാസന്‍ നായര്‍ തന്നെ തള്ളിയിട്ടെന്നും എം.എ.വാഹിദ്, ഡൊമിനിക പ്രസന്റേഷന്‍, എ.ജെ.ജോര്‍ജ് എന്നിവര്‍ തടഞ്ഞ് വെച്ചെന്ന് ചൂണ്ടിക്കാട്ടിയായിരുന്നു കേസ്.
