മുഖക്കുരു മാറാനും മുഖം വൃത്തിയാക്കാനുമായി ഉപയോഗിക്കുന്ന ചില ക്രീമുകൾ ക്യാൻസറിന് കാരണമാകും എന്ന് റിപ്പോർട്ട്. Estee Lauder’s Clinique, Target’s Up & Up, Reckitt Benckiser-ൻ്റെ ഉടമസ്ഥതയിലുള്ള Clearasil എന്നിവയുൾപ്പെടെയുള്ള ചില മുഖക്കുരു ചികിത്സകളിൽ ഉയർന്ന അളവിൽ ക്യാൻസറിന് കാരണമാകുന്ന കെമിക്കലായ ബെൻസീൻ കണ്ടെത്തിയതിന്റെ അടിസ്ഥാനത്തിലാണ് റിപ്പോർട്ട് പുറത്ത് വന്നിരിക്കുന്നത്.
ക്യാൻസർ രോഗികളിൽ മിക്കവരും മുഖക്കുരു ചികിത്സകൾ ചെയ്തവരാണെന്നതാണ് റിപ്പോർട്ട്. Proactiv, Target Corp.’s Up & Up, Clinique എന്നിവയുൾപ്പെടെയുള്ള ബ്രാൻഡുകളിൽ നിന്നുള്ള മുഖക്കുരു ഉൽപ്പന്നങ്ങളിൽ അർബുദത്തിൻ്റെ അളവ് വർധിച്ചിട്ടുണ്ടെന്ന് ഒരു സ്വതന്ത്ര പരിശോധനാ ലബോറട്ടറി യുഎസ് ഫുഡ് ആൻഡ് ഡ്രഗ് അഡ്മിനിസ്‌ട്രേഷന് സമർപ്പിച്ച ഹർജിയിലാണ് വ്യക്തമാക്കിയിരിക്കുന്നത്.
ചില ഹാൻഡ് സാനിറ്റൈസറുകളിൽ ബെൻസീൻ കലർന്നിരുന്നു. ചില സൺസ്‌ക്രീനുകളിലും ഡ്രൈ ഷാംപൂകളിലും ക്യാൻസറുമായി ബന്ധപ്പെട്ട ഉയർന്ന അളവിൽ രാസവസ്തുക്കൾ അടങ്ങിയതായി കണ്ടെത്തി . റിപ്പോർട്ട് സമർപ്പിച്ചതിന് പിന്നാലെ ഉൽപ്പന്നങ്ങൾ തിരികെ എത്തിച്ച് അന്വേഷണം നടത്താനും വ്യവസായ മാർഗ്ഗനിർദ്ദേശം പരിഷ്കരിക്കാനും റെഗുലേറ്ററോട് ആവശ്യപ്പെട്ട് വാലിഷൂർ യുഎസ് ഫുഡ് ആൻഡ് ഡ്രഗ് അഡ്മിനിസ്‌ട്രേഷനും ഒരു നിവേദനം നൽകിയിട്ടുണ്ട്.
സൺസ്‌ക്രീനുകൾ, ഹാൻഡ് സാനിറ്റൈസറുകൾ, ഡ്രൈ ഷാംപൂ എന്നിവയുൾപ്പെടെ നിരവധി ഉപഭോക്തൃ ഉൽപ്പന്നങ്ങളിൽ കാർസിനോജൻ ഇതിനകം കണ്ടെത്തിയിട്ടുണ്ട്. ഇത് പ്രോക്ടർ & ഗാംബിൾ, ജോൺസൺ ആൻഡ് ജോൺസൺ എന്നിവയുൾപ്പെടെയുള്ള കമ്പനികൾ നിർമ്മിച്ച ഉൽപ്പന്നങ്ങൾ തിരികെ എത്തിക്കാൻ നടപടി തുടരുകയാണെന്നാണ് റിപ്പോർട്ട്.
