തിരുവനന്തപുരം: യാത്രക്കാരുടെ തിരക്ക് നിയന്ത്രിക്കുന്നതിനായി കേരളത്തിലേക്കും തിരിച്ചുമുള്ള ചില എക്സ്പ്രസ് ട്രെയിനുകളിൽ താൽക്കാലികമായി കൂടുതൽ കോച്ചുകൾ അനുവദിച്ചു. ദക്ഷിണ റെയിൽവേ പുറത്തിറക്കിയ പത്രക്കുറിപ്പിലാണ് ഇക്കാര്യം അറിയിച്ചത്. ഓഗസ്റ്റ് 29 മുതൽ ഒക്ടോബർ 31 വരെയുള്ള കാലയളവിലാണ് ഈ ക്രമീകരണങ്ങൾ പ്രാബല്യത്തിൽ വരിക.
അധിക കോച്ചുകൾ അനുവദിച്ച ട്രെയിനുകൾ:
- ട്രെയിൻ നമ്പർ 20681/20682: താമ്പരം – ചെങ്കോട്ട സൂപ്പർഫാസ്റ്റ് എക്സ്പ്രസ്:
- ഓഗസ്റ്റ് 29 മുതൽ ഒക്ടോബർ 31 വരെ താമ്പരത്ത് നിന്നും
- ഓഗസ്റ്റ് 30 മുതൽ നവംബർ 1 വരെ ചെങ്കോട്ടയിൽ നിന്നും
- ഒരു എസി ടു ടയർ, രണ്ട് എസി ത്രീ ടയർ, മൂന്ന് സ്ലീപ്പർ ക്ലാസ്, ഒരു ജനറൽ സെക്കൻ്റ് ക്ലാസ് കോച്ചുകൾ അധികമായി ഉണ്ടാകും.
- ട്രെയിൻ നമ്പർ 22657/22658: താമ്പരം – നാഗർകോവിൽ സൂപ്പർഫാസ്റ്റ് എക്സ്പ്രസ്:
- ഓഗസ്റ്റ് 29 മുതൽ ഒക്ടോബർ 31 വരെ താമ്പരത്ത് നിന്നും
- ഓഗസ്റ്റ് 30 മുതൽ നവംബർ 1 വരെ നാഗർകോവിലിൽ നിന്നും
- ഈ ട്രെയിനിൽ താമ്പരം – ചെങ്കോട്ട എക്സ്പ്രസിലുള്ള അതേ കോച്ചുകൾ തന്നെ അധികമായി ലഭിക്കും.
- ട്രെയിൻ നമ്പർ 12695/12696: എംജിആർ ചെന്നൈ സെൻട്രൽ – തിരുവനന്തപുരം സെൻട്രൽ സൂപ്പർഫാസ്റ്റ് എക്സ്പ്രസ്:
- ഓഗസ്റ്റ് 31 മുതൽ നവംബർ 2 വരെ എംജിആർ ചെന്നൈ സെൻട്രലിൽ നിന്നും
- സെപ്റ്റംബർ 1 മുതൽ നവംബർ 3 വരെ തിരുവനന്തപുരം സെൻട്രലിൽ നിന്നും
- ഈ ട്രെയിനിൽ ഒരു എസി ടു ടയർ കോച്ച് അധികമായി ഉണ്ടാകും.
- ട്രെയിൻ നമ്പർ 22639/22640: എംജിആർ ചെന്നൈ സെൻട്രൽ – ആലപ്പുഴ സൂപ്പർഫാസ്റ്റ് എക്സ്പ്രസ്:
- ഓഗസ്റ്റ് 29 മുതൽ ഒക്ടോബർ 31 വരെ എംജിആർ ചെന്നൈ സെൻട്രലിൽ നിന്നും
- ഓഗസ്റ്റ് 30 മുതൽ നവംബർ 1 വരെ ആലപ്പുഴയിൽ നിന്നും
- ഈ ട്രെയിനിലും ഒരു എസി ടു ടയർ കോച്ച് അധികമായി അനുവദിച്ചിട്ടുണ്ട്.
- ട്രെയിൻ നമ്പർ 16618/16617: കോയമ്പത്തൂർ – രാമേശ്വരം എക്സ്പ്രസ്:
- സെപ്റ്റംബർ 2 മുതൽ ഒക്ടോബർ 28 വരെ കോയമ്പത്തൂരിൽ നിന്നും
- സെപ്റ്റംബർ 3 മുതൽ ഒക്ടോബർ 29 വരെ രാമേശ്വരത്ത് നിന്നും
- ഈ ട്രെയിനിൽ ഒരു സ്ലീപ്പർ ക്ലാസ് കോച്ച് അധികമായി ലഭിക്കും.
ഈ ട്രെയിനുകളിലെ അധിക കോച്ചുകൾ യാത്രക്കാർക്ക് കൂടുതൽ സൗകര്യപ്രദമായ യാത്രാനുഭവം നൽകുമെന്ന് ദക്ഷിണ റെയിൽവേ പത്രക്കുറിപ്പിൽ അറിയിച്ചു.
